KNR-ip nittartagaani aviisimi imigassaq pillugu inatsisissatut siunnersuummi ammasarfiit pillugit allaaserisamut naqqiut

Stemningsbillede af Indlandsisen

”Ammasarfiit assersuinerlu imigassaq pillugu inatsisip oqaluuserineqarnissaa kinguartikkaat” novembarip ulluisa arfineq aappaanni KNR-ip nittartagaani allaaserineqarpoq. Ammasarfiit sivitsorneqarnissaannut tunngatillugu allaaserisaq ajoraluartumik kukkuneqarmat Peqqissutsimut Naalakkersuisoqarfik naqqiuteqarniarpoq.

Allaaserisaq naapertorlugu imigassaq pillugu inatsisissatut siunnersuummi nutaami ammasarfiit sivitsorneqassapput. Tamanna eqqunngilaq. Inatsisissatut siunnersuut naapertorlugu ammasarfiit sivitsorneqaratik arfininngornermi nal. qulaaluaniit ataatsimut ammasarnerat aqqanerniit pingasunut allanngortinneqassaaq. Taamaalilluni ammasarfiit sivitsoratik allanngortinneqassapput.

Peqqissutsimut Naalakkersuisoqarfiup KNR-ip nittartakkamini aviisimi piaartumik naqqiuteqarnissaa qilanaaraa.

Paasissutissat sukumiinerusut Naalakkersuisup allattaanut Nauja Møller-imut mobiilimut: +299 58 26 54 imal. e-mail-ikkut: nmoe@nanoq.gl attaveqarnikkut pissarsiarineqarsinnaapput