Nunat Avannarliit Siunnersuisoqatigiiffiat

Peqqissutsimut Nunat Avannarliit Suleqatigiinnerannullu Naalakkersuisoq Nunat Avannarliit Siunnersuisoqatigiiffiata ataatsimiinnerani peqataavoq.

Nunat Avannarliit Siunnersuisoqatigiiffiata 69-issaannik Helsinkimi ulluni makkunani ataatsimiinnerani Naalakkersuisoq peqataavoq, tassani nunat avannarliit imminnut tatigeqatigiittut, Nunat Avannarliit nunarsuarmi pitsaanerpaamik akuutitsisut kiIsalu Nunat Avannarliit Siunnersuisoqatigiiffiata issittoq pillugu suleqatigiinnissamut pilersaarutaa nutaaq ilaatigut eqqartugassanngortinneqarsimallutik.

Ataatsimiinnerup nalaanni Naalakkersuisoq assigiinngitsunik ataatsimeeqateqartarpoq tassani ilaatigut ataatsimeeqatigineqarlutik, nunani avannarlerni suleqatigiinnissamut naalakkersuisut, Nunat Avannarliit Siunnersuisoqatigiiffiata siuttui kiisalu Nunat Avannarliit Killiit Siunnersuisoqatigiffiani siuttui. Tamatuma saniatigut Naalakkersuisoq Nunat Avannarliit nersornaasiinerani pingasunngornermi 1. november unnukkut pisussami peqataassaaq.

Tamatuma saniatigut Nunat Avannarliit Ministeriisa Siunnersueqatigiiffiata innuttaasunik paasiniaatitsisimanerata nr. 3/2017 ”Suleqatigiinneq naleqarluartoq” inernera ataatsimeersuarnerup nalaanni saqqummiunneqarpoq.

Misissuinerup inernerisa takutippaa Kalaallit Nunaanni innuttaasut 78%-iisa nunat avannarliit suleqatigiinnerat pingaartutut isigigaat aammalu suleqatigiinneq annertusarneqartariaqartoq. Kalaallit Nunaat Ålandilu nunani avannarlerni suleqatigiinneranik pingaartitsinerpaajupput.

” Nunat Avannarliit Siunnersuisoqatigiiffiata ataatsimiinnissaani peqataanissannut qilanaaqaanga aaqqissuusaq taana pingaarutilerujussuuvo q nunanilu avannarlerni suleqatigiinnitsinni ukioq manna pisussat pingaarnersaralugu” taamak oqarpoq Peqqissutsimut Nunat Avannarliit Suleqatigiinnerannullu Naalakkersuisoq Agathe Fontain nangillunilu:

”Kalaallit Nunaanni innuttaasut nunani avannarlerni suleqatigiinnerup iluaqutissartaanik paasinnissimanerat paasillugu nuannersorujussuuvoq, tamanna ilaatigut malugalugulu takusinnaasarparput nunat avannarliit suliniutai aqqutigalugit kalaallit suliniutinut annertuumik peqataasarnerisigut aammalu Nuuk Nordisk kulturfestivalertitsinerani annertuumik peqataasoqarneratigut” (issuaaneq naavoq).

Annertunerusumik paasisaqarusuttoqaruni saaffigineqarsinnaapput AC Fuldmægtigi Monika Paulli Andersen e-mail mopa@nanoq.gl, oqarasuaat: +299 553320 / +45 51640373 imaluunniit Ministersekretæri Nauja Møller e-mail nmoe@nanoq.gl, oqarasuaat: +299 582654 / +45 31405792.