Kapisilinniarneq pingasunngorpat, novembarip 1-ani unitsinneqassaaq

Ukioq manna kapisilinniarneq marlunngornermi oktobarip 31-anni unitsinneqartussaagaluarpoq.

Aalisarnermulli Piniarnermullu Naalakkersuisoqarfik aalajangerpoq piffissami kingullermi silarluttarnera pissutigalugu kapisilinniarneq aatsaat novembarip 1-ani nalunaaqutaq 24.00 unitsinneqassasoq. 

Kapisilinniarneq piffissap taaneqartup kingorna inerteqqutaalissaaq, qassutillu tamarmik qaqinneqareersimassallutik.

Kapisilinniarneq pillugu nalunaarut naapertorlugu sunngiffimmi inuussutissarsiutigalugu aalisartut kapisilittarisimasatik Kalaallit Nunaanni Aalisarsinnaanermut Nakkutilliisoqarfimmut,  KANUAANA-mut, e-mailikkut nalunaarutigissavaat.

Sunngiffimmi aalisartut pisatik KANUAANA-mut e-mailikkut nalunaarutigisinnaavaat.

Inuussutissarsiutigalugu aalisartut pisatik immersuiffikkut nalunaarutigissavaat, immersugassaq kommunini pineqarsinnaavoq, aamma KANUAANA-mi pineqarsinnaalluni.

Kapisilimmik nalunaaqutalimmik pisaqarsimaguit, nalunaaquttaa Pinngortitaleriffimmut nassiutissallugu periarfissaqarputit.

NASCO ukiumoortumik ataatsimiinnermini nalunaaquttanik nassiunneqarsimasunik makitsisarmat, makitaanissamut periarfissaqassaatit. NASCO 1.500 U.S. dollarinik makitaasunut ukiut tamaasa akissarsititsisarpoq.

Kalaallit Nunaanni Aalisarsinnaanermut Nakkutilliisoqarfiup e-mailera: gflk@nanoq.g

Attavigineqarsinnaavoq: Mads Trolle Nedergaard, Kalaallit Nunaanni Aalisarsinnaanermut Nakkutilliisoqarfimmi pisortaq. Email: Mads@nanoq.gl