Paasissutissanik nalunaarutiginninnerit amigaateqarput

Kalaallit Nunaanni Aalisarsinnaanermut Akuersissutinik Nakkutilliisoqarfiup paasivaa, 2016-imi aalisarnermut aningaasaqarnikkut paasissutissanik nalunaarutiginninnerit suli amigaateqartut, Inuussutissarsiutigalugu aalisarnermi aammalu nunami tunisassiorneq pillugu tunisassiornikkut aningaasaqarnikkullu paasissutissanik nalunaarutiginnittarneq pillugu Namminersorlutik Oqartussat nalunaarutaat nr. 11 1. august 2017-imeersoq naapertorlugu.

Inuussutissarsiutigalugu aalisarnermik imaluunniit angallatinik 6 m qaangerlugu angissusillit atorlugit aalisarnermik kiisalu nunami tunissassiornermik tunitsiveqarnermillu ingerlataqartut tamarmik nalunaarutiginnittussaatitaapput, suliffimmik ingerlatsinermut ukiumut kingullermut attuumassuteqartunik tunisassiornikkut aningaasaqarnikkullu pissutsinut tunngasunik paasissutissanik nalunaarutiginnittoqartalissalluni. Umiatsiaaqqanik 6 m angullugit imaluunniit ataallugit angissusillit atorlugit aalisarneq ilanngunneqanngilaq.

Taamaattumik 2017-imi 2016-imut ukioq naatsorsuiffiusumut paasissutissanik nalunaarutiginnittoqassaaq. Nalunaarutiginninnissamut killingititaasoq tassaavoq sitsip aallaqqaataa, kisianni suli nalunaarutiginittoqarsinnaavoq.

Nalunaarutiginninneq una atorlugu pissaaq http://www.businessingreenland.gl/kl-GL/Fiskeri,-Fangst-og-Landbrug/Fiskeriindberetning_2017 nittartakkami ilitsersuuteqarpoq sukumiisumik.

Tunisassiorfiit tunitsiviillu pisussaatitaapput aalisartut nalunaartussaatitaasut ikiussallugit tunisaat pillugit paasissutissanik tunniussinissamut.

Paasissutissat nalunaarutiginnginneranni kukkunersiuisumit pisortanit akuerineqartumit uppernarsarneqaqqaassapput.

Nalunaaruteqanngitsoorneq politiinut unnerluussinermik kinguneqarsinnaavoq.

Inatsini tunngavigineqartoq:

Inuussutissarsiutigalugu aalisarnermi aammalu nunami tunisassiorneq pillugu tunisassiornikkut aningaasaqarnikkullu paasissutissanik nalunaarutiginnittarneq pillugu Namminersorlutik Oqartussat nalunaarutaat nr. 11 1. august 2017-imeersoq.


Paasisaqarusukkuit attavissaq KANUAANA oqara. 34 50 00 imalt. e-mail gflk@nanoq.gl.