Kalaallit Nunaata umiarsualivissaata nutaap Sikukip atoqqaartinneqarnissaa

Kaalaallit Nunaata umiarsualivittaavata tallimanngornermi 22. september atoqqaartinnerani Naalakkersuisut siulittaasuat, Kim Kielsen peqataassaaq.  Sikuki Nuuk Harbour A/S ammaanersiornermik aaqqissuussisuussaaq, Naalakkersuisullu Siulittaasuata Kalaallit Nunaanni umiarsualiviit ingerlanneqarnerinut ukiorpassuarni suleqataasimasoq Gustav Skifte, taassumalu ernutaa Maalia, peqatigalugit umiarsualivik atoqqaartissavaa.

Umiarsualivittaarnikkut Kalaallit Nunatta nioqqutissanik pilersorneqarnera qularnaanne-rusumik ingerlanneqarsinnaalernissaa tunngavissinneqarpoq, umiarsualivittaarlu Royal Arctic Linep assartuisarnerinut aallaaviussaaq, pilersaarutillu malillugit umiarsuit nutaat anginerusullu 2019-imiit tulattalernissaat pilersaarutaalluni.

”Kalaallit Nunatta assartuussinikkut pitsaasumik aaqqissuussiffigineqarnissaa pisariaqarpoq. Umiarsuliviup nutaap atulerneratigut umiarsuit anginerusut tulassinnaalissapput. Nutaamik umiarsualivittaarnitsigut inuiaqatigiittut ineriartornitsinni pingaarutilimmik ikaarsaariarnissatsinni toqqammavissaqalerpugut", taama oqarpoq Naalakkersuisut Siulittaasuat Kim Kielsen.

Umiarsualivissamik angisuumik pisariusumillu naammassinnilluarsimaneranut ingerlatseqatigiiffiup suliaqartup qullersai  Naalakkersuisunit pilluaqquagut. Aamma umiarsualiviup sananeqarnerani peqataasimasunut tamanut qujassuteqarpugut. Kalaallillu Nunaata ineriartornerani  piorsarneqarneranilu umiarsualiviup atorluarneqarnissaa Naalakkersuisut isumalluarfigaat.

Sukumiinerusumik attaveqarfissaq: Lars Balslev, immikkoortortaqarfimmi pisortaq, Ingerlatseqatigiiffinnut allaffeqarfik, tlf. 34 51 27