Avaleraasartuut ukiut marluk siuliinit amerlanerit pisarineqareerput

Aalisariutit 13-it Tunumi maannamut avaleraasartuut pisarisaat 35.755-it tonsiupput, pisiarineqartut siornamut naleqqiullugit 101 tonsinik amerlanerullutik, siorna pisarineqartut katillutik 35.654 tonsiusut.

2015-imi tamakkiisumik 30.379 tonsit pisarineqarput.

Amerlanerusunik avaleraasartuunik pisaqarnissaq anguniarlugu Aalisarnermut Piniarnermullu Naalakkersuisoq, Karl-Kristian Kruse, tallimanngormat aggustip 18-ianni aalajangerpoq avaleraasartuunik agguaassisoqaqqittoqassasoq. 

Avaleraasartuut ingerlatseqatigiiffinnit aalisarneqanngitsut 8.500 tonsit ingerlatseqatigiiffinnut allanut agguagassanngorlugit pisassiissutaallutik.

Ingerlatseqatigiiffiit agguaaffigineqartut tassaapput: Arctic Prime Fisheries, 3.000 tonsit, Arsuk Food, 500 tonsit aamma Sermilik 500 tonsit.

Aalisarnermut Piniarnermullu Naalakkersuisoqarfiup avaleraasartuut 4.500 tonsit kingusinnerusukkut pisassanik pisariaqartitsisunut tunniunneqarsinnaaneri siunertaralugu immikkoorteqqavai.

Ukiut siuliini misilittakkat takutippaat naatsorsuutigineqarsinnaassasoq sapaatip akunnerini marlunni-pingasuni suli avaleraasartoorniarluartoqarsinnaassasoq.

Misileraalluni avaleraasartuut ukioq manna pisassiissutigineqartut 66.365 tonsiupput.

Attavigineqarsinnaavoq Aalisarnermut Piniarnermullu Naalakkersuisoqarfimmi immikkoortortami pisortaq, Kunuk Holm. Mail: kunh@nanoq.gl