ARTEK-imut isumaqatigiissut nutartertoq

Doris J. Jensenip Danmarkimilu Teknikkimik Ilisimatusarfiup rektoriata ARTEK-imut isumaqatigiissut nutarterpaat

Ulluni makkunani Danmarkimi Teknikkimik Ilisimatusarfiup (DTU) rektoria, Anders Bjarklev nunatsinnut tikeraarpoq.

Anders Bjarklev nunatsiniinnermini Sisimiuni issittumi teknologiimik ilinniarfiup (ARTEK) inigiligaanut iserternersioriartuutigalugu ARTEK-imi ilinniakkat amerliartortinnissaannut pilersaarutit nutaat pillugit ataatsimiinnernut aammaajartorpoq.

Ilinniakkanut nutaassanut pingaarnertut takorloorneqartoq tassaavoq aalisarnerup iluani ingeniørinngorniarneq. Taassuma iluani ilinniarnermi aalisarnikkut atortuutinik aallutaqarneq aamma aalisakkat assigiinngitsutigut suliarinerisigut nunatsinni naleqarnerusunngorlugit suliarisinnaalernissaat anguniarneqarpoq, kingornalu avammut tunisassiarinissaat.

Tamakku eqqarsaatigalugit Namminersorlutik oqartussat DTU-mut suleqatigiinnissamik isumaqatigiissuteqarput ukiunut sisamanut atuuttumik. Maannakkut isumaqatigiissut nutarterneqarpoq Anders Bjarklev-ilu Nuummut tikippoq, Ilinniartitaanermut, Kultureqarermut, Ilisimatusarnermut ilageeqarnermullu Naalakkersuisoq, Doris J. Jensen naapikkiartorlugu isumaqatigiissullu atsiorlugu.

Isumaqatigiissutip siunertaraa ’Siammasissumik issittumi teknologimut naleqquttuni ilinniartitaanermik pissutsinillu ineriartortitsinermut tapersiisussamik issittumi ingeniørinik ilinniartitsineq’.

- Nunatsinni ilinniartitaanikkut sutigut tamatigut siuarsaaneq uannut pingaaruteqarpoq, ilinniarsimassuseq tassaammat inuiaat imminnut napatinnissaminnut aqqutit pingaarnersaasa ilaat, Doris J. Jensen isumaqatigiissummut neriuuteqarluarluni oqarpoq.

 

Paasissutissanik annertunerusumik pissarserusunnermi attavissaq: Naalakkersuisup allattaa Rosa Thorsen, mobiltlf.: 553303 / email: rosat@nanoq.gl