Timmissat killilersugaanngitsut piniagaaneri 1. september aallartissaaq

Eqqaasitsissutigineqassaaq timmissat pillugit nalunaarut atuuttoq 6. januar 2017-imi nutarterneqarmat, nalunaarut naapertorlugu timmissat killilersugaanngitsut amerlanerit piniagaanerat 1. september aallartissaaq. Timmissat ataani taaneqartut ilaanngillat imaluunniit timmissanut nalunaarummut 2009-meersut naleqqiullugu allannguutaapput:

Taateraat: Nunap immikkoortuini, zone-ni tamani taateraat 1. septemberimiit piniagaalissapput. Taateraat timmissat killilersukkanut ilanngunneqarnikuuvoq, sunngiffimmi imaluunniit inuussutissarsiutigalugu piniarnermut allagartallit ullormi aallaaniarfiusumi ataatsimi amerlanerpaanik 10-nik nammineq atugassatut pisaqarsinnaapput.

Nerlernaarsuk (Canadap nerlia): Nerlernaarsuup piniagaanera aamma nikippoq 1. august-imiit 15. oktobarip tungaanut piniagaalluni.

Kangoq: Kangoq piniagaaffeqarpoq 1. septembarimiit 15. oktobari ilanngullugu.

Qaqulluk: Nunap immikkoortua, zone 2-mi qaqulluit piaraannik ileqqutoqqat naapertorlugit 15. augustimiit piniarneqarsinnaapput.

Sukumiinerusumik paasisaqarusukkaanni immikkoortortaqarfimmi pisortaq Amalie Jessen attavigiuk, oqarasuaat 34 53 04, e-mail. amalie@nanoq.gl