Aningaasaqarnikkut paasissutissanik nalunaaritiginnittarneq pillugu nalunaarut nutaaq

Trawler Inuussutissarsiutigalugu aalisarnermi aammalu nunami tunisassiorneq pillugu tunisassiornikkut aningaasaqarnikkullu paasissutissanik nalunaarutiginnittarneq pillugu Namminersornerullutik Oqartussat nalunaarutaat nr. 11 1. august 2017-imeersoq atuutilerpoq.

Nalunaarutip atuutilersinneqarneranut tunngaviuvoq Namminersorlutik Oqartussat aalisariutit aalisakkeriviillu aningaasaqarnerat pillugu paasissutissanik amingaateqarmata. Taamaattumik nalunaarutip siunertaraa, aalisariutit aningaasaqarnerat pitsaanerusumik misissoqqissaarsinnaalernissaat inatsisit allannguutissaannik suliaqarnikkut, aalisarnermi pisuussutinit iluanaarutit akitsuussersorneqarnerisa aalisariutaatit imminnut akilersinnaassusaannut tungatillugu qanoq sunniuteqarnersoq pitsaanerusumik naatsorsueriaaseqalernissaq periarfissillugu.

Ima isumaqarpoq inuussutissarsiutigalugu aalisarnermik imaluunniit angallatinik 6 m qaangerlugu angissusillit atorlugit aalisarnermik kiisalu nunami tunissassiornermik tunitsiveqarnermillu ingerlataqartut tamarmik maannakkut nalunaarutiginnittussaatitaalerlutik aamma suliffimmik ingerlatsinermut ukiumut kingullermut attuumassuteqartunik tunisassiornikkut aningaasaqarnikkullu pissutsinut tunngasunik paasissutissanik nalunaarutiginnittoqartalissalluni.

Umiatsiaaqqanik 6 m angullugit imaluunniit ataallugit angissusillit atorlugit aalisarneq ilanngunneqanngilaq.

Taamaattumik 2017-imi 2016-imut paasissutissanik nalunaarutiginnittoqassaaq, nalunaarutiginninnissamullu ulloq killissarititaasoq tassaavoq 1.9. Paasissutissat nalunaarutiginnginneranni kukkunersiuisumit pisortanit akuerineqartumit uppernarsarneqaqqaassapput.

Nalunaarutiginninneq una atorlugu pissaaq http://www.businessingreenland.gl/kl-GL/Fiskeri,-Fangst-og-Landbrug/Fiskeriindberetning_2017

Nittartakkami sukumiisumik ilitsersuuteqarpoq.

Paasisaqarusukkuit attavissaq KANUAANA oqara. 34 50 00 E-mail: gflk@nanoq.gl