Akiliisitseriaaseq Ilanngaassivik

Ukiakkut ataatsimiinnissami aggersumi Ilanngaassivik pillugu inatsisissatut siunnersuummik saqqummiussisoqassanngitsoq Naalakkersuisut aalajangerpaat.

Naalakkersuisut isumaqarput, Ilanngaassivik pillugu inatsisissatut siunnersuutip piareersarneqarnerani ilaatigut IT-kkut piumasaqaatit kiisalu suleriaasissat erseqqinnerusumik paasiniarneqaqqaarnissaat utaqqineqaqqaassasoq, tamakku akiliisitseriaatsip aallartinneraniilli siunertarisatut ingerlanissaanik qulakkeerinninnissamut pisariaqarput.

Naalakkersuisuttaaq isumaqarput, Ilanngaassivik pillugu inatsisissatut siunnersuutip saqqummiunneqannginnerani sivisunerusumik sukumiinerusumillu paasisitsiniaasoqarnissaa pisariaqartoq.

Maannakkuugallartoq naatsorsuutigineqarpoq, inatsisissatut siunnersuut kingusinnerusukkut ataatsimiinnissami saqqummiunneqarsinnaassasoq. Tamanna pillugu Naalakkersuisut 2018-ip ingerlanerani isummissapput, taamaasilluni inatsisissatut siunnersuut siusinnerpaamik ukiakkut 2018-imi saqqummiunneqarsinnaassaaq. Naalakkersuisut Inatsisartullu Ilanngaassivik pillugu siunnersuummik akuersissappata, tamanna siusinnerpaamik 2019 aallarnerfigalugu atuutilersinnaassaaq.

Taamanikkornissaanullu pisortanut akiitsut naapertuutinngitsumik amerlasuut annikillisarnissaat pillugit suliniutinik allanik Naalakkersuisut isumaliutersuuteqarlutillu periarfissaappat atuutilersitsisassapput.

Inussiarnersumik Inuulluaqqusillunga

Aqqaluaq B. Egede
Aningaasaqarnermut Akileraartarnermullu Naalakkersuisoq.

Attavigiuk:Nikolai S. Christensen,toqq/direkte 346675,nsch@nanoq.gl