Qeqertarsuatsiaat eqqaanni nanoq takuneqartoq

 

Aalisarnermut Piniarnermullu Naalakkersuisoqarfiup (APN) nalunaarutigissavaa Qeqertarsuatsiaat eqqaanni nanoq takuneqaqqissimasoq. Qeqertarsuatsiaat eqqaani eqalunniat asimiitullu allat nanoqarneranik mianersoqquneqarput. Inuit susassaqanngitsut nanoq qanilleqqusaanngilaat. APN-ip nunaqarfimmi nakkutilliisoq attaveqaqatigivaa, KANUAANA-lu politiillu ilisimatinneqarnikuulluni.

APN-ip tusagassiorfinnut nalunaarummut uunga ”Nannunik takunninnermi najoqqutassaq” ilanngussatut ilannguppaa, taanna qaqugukkulluunniit malinneqassaaq.

Aammattaaq allakkiaq ilanngunneqarpoq ”Kalaallit Nunnaani nannut ajornartorsiutaasut”, tassani najoqqutassami immikkoortut pingaarnerit erseqqissarneqarsimapput.

Nannunik takunnikkaanni, piniarnermut nakkutilliisoq erngerluni attavigineqassaaq, APN-imi pigaartup oqarasuaataa imaluunniit Nuummi politiit.

Aammattaaq oqarasuaatikkut ammasarfiit nalinginnaasut avataatigut APN attavigineqarsinnaavoq pigaartup oqarasuaataata normua: 48 25 20.

APN-ip ilisimatitsissutigissavaa maannakkut Nunatta Kitaani nannut eqqissisimatiitaagallartut, Sisimiuniit Paamiut ilanngullugit nannuttasssiissutit tamakkerneqareerlutik.

Nannut inoqarfiit avataaniittut
Saassunneqatsaaliorneq pitsaanerpaaq tassaavoq ingalassimaarneq. Nannumik takunninnermi allamut nuuttoqartassaaq, pisassiissutitalimmik nannunniarneq ingerlatinngikkaanni. Nannunik takunninnermi Aalisarnermut Piniarnermullu Naalakkersuisoqarfik (APN) aamma piniarnermik aalisarnermillu nakkutilliisoq nalunaarfigineqartassapput. Attavissat quppernermi kingullermi takuneqarsinnaapput.

Nannumik takunnikkaanni qanoq iliortoqassava?
  • Nanoq ingalassimajuk. Allamut nuugit
  • Nannumik sumi takunnissimanerlutit sapinngisamik paasissutissat assigiinngitsut APN aamma piniarnermik aalisarnermillu nakkutilliisoq nalunaaruteqarit.
Inoqarfinni tamakkulu eqqaanni nannumik arlalinnilluunniit takusinermi immersugassiaq APNN-ip innersuussutigaa. Ilitsersuutit misissorluarnissaat pingaaruteqarpoq. Immersugassiaq kommunip allaffianut saaffiginnilluni imaluunniit ww.naalakkersuisut.gl -imi pissarsiarineqarsinnaapput.


Paasissutissat sukumiinerusunik pissarsiniaraanni saaffigineqarsinnaasoq: AC fuldmægtigi Nuka Møller Lund 34 53 45, e-mail: numl@nanoq.gl