GUX-S, ilinniartunut immikkut pisariaqartitsisunut ilinniagaq nutaaq

”Ilinniarusutamik aallusserusunneq kiisalu inuiaqatigiinni eqeersimaarluni akuuneq, innuttaasunut amerlanernut periarfissaasariaqarpoq,” Ilinniartitaanermut Naalakkersuisoq, Doris J. Jensen, oqarpoq.

Aasaq manna ilinniarnertuunngorniarfinni ilinniakkamut nutaamut qinnuteqarnissat Naalakkersuisut periarfissiissutigissavaat. GUX-S tassaavoq immikkut pisariaqartitsisunut, immikkut aaqqissuussilluni ilinniarnertuunngorniarnerup iluani ingerlaatsinik ingerlatsiffiusoq. Annertusiartortumik immikkut pisariaqartitsisut, soorlu autismemik kiisalu ADHD-mik innarluutillit aqqut taanna atorlugu ilinniarnertuunngornissaat periarfissaalissaaq. Ilinniarneq siullerpaamik aallartissaaq aappaagu aasami ukiumi atuarfiusumi 2018/19-imi, qinnuteqarfissallu killigititaa tassaavoq 1. September 2017. GUX-S pillugu Sunngu.gl-imi paasisaqarnerusinnaavutit, uani: http://sunngu.gl/kl-GL/Gymnasial-uddannelse/GUX-S

Paasisaqarnerorusukkuit saaffigisinnaavat Steen Jeppson, tlf.: 345746, sjep@nanoq.gl