Nunarput tamatigoortumik aalisariutitaarpoq

Aalisariut nutaaliaalluinnartoq aningaasanut inatsimmi aalisarnermut aningaasaliissutinut immikkoortitanit EU-llu aningaasaliissutaanit taperneqarluni aalisariutigineqalersoq, sinerissap qanittuani aalisarpoq.

Aalisariut “AJSI” angerlarsimaffigisimasassaminut Nuummut ukioq manna tikittoq, aqutsiveqarfimmi Nuuk-Paamiut upernaaq manna assagiarsunniarpoq.

Aalisariut Hvide Sandemi sananeqartoq aalisariutaavoq tamatigoortoq, assagiarsunniutaallunilu saarullinniutaasinnaasoq.

Aalisariutip naalagaa piginnittorlu Jens Peter Larsen unnersiorpoq aalisariutip aalisariutitut nutaaliatut suliarineqarnera siunertaminut naapertuulluartoq. Aalisariutip brutto tonnagea 119 tonsiusoq, 22,5 meterinik takissuseqarpoq, LOA.

Aalisariutip naalagaa piginnittualu Jens Peter Larsen aalisariummut aningaasanut inatsimmi aalisarnermut aningaasaliissutinut immikkoortitanit tapiiffigineqassalluni 2015-imi akuerineqarpoq.

Aningaasanut inatsimmi aalisarnermut aningaasaliissutinut immikkoortitat Aalisarnermut Piniarnermullu Naalakkersuisoqarfiup ingerlatsinikkut isumagisarpai.

Aningaasanut inatsimmi aalisarnermut aningaasaliissutinut immikkoortitat atorlugit sinerissap qanittuani aalisariutit nutarsarneqarnissaannut tapiisoqartarluni.

Aningaasanut inatsimmi aalisarnermut aningaasaliissutinut immikkoortitat ilai tassaapput EU-p aalisarnermik inuussutissarsiummut tapiissutigisartagaasa ilaat. Taamaattumik EU sinerissap qanittuani aalisarnerup ineriartortinneqarneranut pingaaruteqartuuvoq.

Aalisarneq pillugu EU-mik isumaqatigiissut tunngavigalugu nunarput 2016-imit 2020-mut ukiumut € 2.931.000, 21.865.000 koruunit missaanniittut tapiissutisiarisarpai.

Tapiissutit siunertanut assigiinngitsunut pingasunut atorneqartarput, ingerlatsinermut; Aalisarnermut Piniarnermullu Naalakkersuisoqarfik, nakkutilliinermut; Kalaallit Nunaanni Aalisarsinnaanermut Akuerissutinik Nakkutilliineq aamma ilisimatusarnermut; Pinngortitaleriffik.

Attavigineqarsinnaavoq: APN@nanoq.gl