Naajaani qimmit qimmit nappaataannik tuniluuttumik napparsimasut

Kalaallit Nunaanni Uumasut Nakorsaqarfia Inuussutissalerinermullu Oqartussaaffik, UNIO, juunip 29-anni 2017-imi ilisimatinneqarpoq Naajaani, Upernaviup avannaani, qimmit 20-nit ikinnerunngitsut juunimi toqunneqarsimasut.

UNIO-p ilisimatinneqarnini naapertorlugu pasitsaassivoq qimmit “qimmit nappaataannik” nappaateqalersimassasut.

Qimmit toqunneqannginnerminni ima ersiuteqarsimapput:

  • qasoqqallutik
  • Kakkik/qingaannit isaannillu seerisoqarluni
  • noqartarlutik
  • anniaateqarlutik aamma
  • meriartarlutik

Taamaattumik UNIO inassuteqarpoq Naajaani qimmit peqqittut tamarmik akiuussutissamik piaarnerpaamik kapitinneqassasut.

Pingaaruteqarluinnarporlu qimmeqatigiikkuutaat imminnut qaninnguussanngimmata.

Qimmillit qimmitik paarilluassavaat, qimmilerinerminni sakkuutigisartakkatik allanut atortissanngilaat, allalluunniit pii atussanagit.

Innuttaasutut qimmilittullu allassimasut naapertorlugit iliuuseqassaatit.

UNIO-p qimmit nappaalanerat malinnaaffigivaa, Najaanilu qimmillit innuttaasullu kajumissaarpai qimmit napparsimasut pillugit pisortanut attaviginneqqullugit.

Attavigineqarsinnaavoq: UNIO mail: uumasut@nanoq.gl imaluunniit telefon +299 34 50 00

Naajaani innuttaasunut Naajaallu nunataata eqqarisaaniittunut UNIO-miit uku kajumissaarutigineqassapput:

Qimmilivimmi:

Qimmit tamarmik pitunneqassapput ungaluusamulluunniit mattunneqarlutik.

  • Nunaqarfimmi nunataatalu eqqarisaani qimminik angalaannartunik ungoorinerit imaluunniit toqutsinerit.
  • Qimmit arnavissat piaqqallu qimmilivimmut ungalusamut immikkoortinneqassapput.
  • Uumasut tassanngaannartumik nappaalanermik takussutissaqalertut toqunneqassapput.
  • Qimmilivinniit qimmit anaat piiarneqassapput.
  • Qimmiutillit taamaallaat nammineq qimmiutiminnik passussisariaqarput.
  • Inuit immikkut susassaqartitat kisimiillutik qimmiisivimmiissinnaatitaapput.

Qimminik napparsimasunik toqusimasunillu passussineq

  • Qimmit napparsimasut toqungasullu aaqqatinik ataasiaannarlugit atortakkanik aaqqateqarluni passunneqartariaqarput, aamma kamippaat qallersimasariaqarlutik.
  • Qimmit toqungasut plastikkinut puussianut iginneqartariaqarput eqqaavimmullu ikuallaavimmukaanneqartariaqarlutik, allamiluunniit qimmiliviit ungavarlugit ikuallanneqarsinnaallutik.

Qimmeq napparsimasoq takuneqarsinnaava?

  • Qimmeq ersiuteqanngitsumik piffissangaatsiarsuarmi, sapaatip akunneri arlallit, tunillatsisimalluni napparsimasinnaavoq.
  • Taamaattumik qimmit nappaalatillugit qimmeqatigiinnut allanut akuliutsinnaveersaarneqassapput.

Akiuussutissamik kapitinnissamut paasissutissaq:

  • UNIO-miit erseqqissaassutigineqassaaq qimmit virusimik tuniluunnartumik (qimmit nappaataat aamma parvovirus) napparsimatinnaveersaarneqarsinnaammata akiuussutissamik aatsaat kapitissimappata.
  • Qimmeq tunillatsissimasoq akiuussutissamik kapitittoq akiuussutissamilluunniit tunineqartoq peqqississutigineq ajorpaa.