Peqqinnissaqarfimmiit killiffik pillugu paasissutissiineq

Sapaammi juunip ulluisa 18-anni ullaassakkut Nuugaatsiami ajunaarnersuarmut atatillugu ullut 14-it pallingajallugit Peqqinnissaqarfimmi immikkut ittumik suliaqartoqareernerata kingorna maanna nalinginnaasumik ingerlatsisoqaqqilerpoq.
-” Piffissaq pineqartoq tamakkerlugu Uummannap eqqaani sulisut amerlivagut. Immikkut peqqissaasunik, nakorsanik, portørinik sulisitsivugut anigoruminaatsunillu nalaataqarnermi upalungaarsimatitanut tarnip pissusaanik immikkut ilisimasalinnik ikiortseqarnikkut oqalutseqarnikkullu ikiuulluta”, Aqutsisoqarfiup pisortaa Malene Marie Nielsen oqaluttuarpoq.
Pisumut iliuuseqarnissami anigoruminaatsumik nalaataqarnermi upalungaarsimasunut ilaanerup saniatigut Uummannap Napparsimmavia immikkut ikiuuttussanik peqqinnissaqarfimmit sulisulerneqarpoq. Ajunaarnersuup kingorna ulluni siullerni Uummannap Napparsimmaviani Nuugaatsiamiit innutaasut qimagussorneqartut ilaat ajoqusernernut annikitsunut nakorsarneqarput. Uummannap Napparsimmavia maanna nalinginnaasumik ingerlaqqilerpoq. Uummannami -Aasiannilu qimagussuiffiusumi innutaasut amerlinerat patsisaalluni peqqissaavinnut/napparsimmavinnut/kigutilerivinnut nakorsartinnissamut utaqqinerup sivitsorsinnaanera naatsorsuutigineqassaaq.

Peqqinnissaqarfiup sulinerata- ajunaarnersuaqartillugu upalungaarsimatitsinermi aqutsisut, politiit Kalaallit Nunaanni upalungaarsimatitaannik (politiit, Arktisk Kommando-p, annaassiniarnermut atatillugu upalungaarsimasut sinniisuinit
peqataaffigineqartoq) kiisalu suleqatinik Air Greenland, Tele Greenland, Nukissiorfiit nunalu tamakkerlugu anigoruminaatsumik nalaataqarnermi upalungaasimatitanik- qanimut suleqateqarnikkut ataqatigiissaarluarneqarnera, Peqinnissaqarfiup qullersaqarfianit erseqqissaavigineqarportaaq.

Attavissat
Innuttaasutut Nuugaatsiaq pillugu ikiuiniarnermut atatillugu Namminersorlutik Oqartussat attaveqaataannut attaveqarsinnaavutit: nuugaatsiaq@nanoq.gl
Uummannap Napparsimmavia oqarasuaatikkut: 95 12 11 attavigineqarsinnaavoq
Aasiaat Napparsimmaviat oqarasuaatikkut: 89 22 11 attavigineqarsinnaavoq
Qimarngunneqartut tamarmik sukkulluunniit illoqarfinni peqqinnissaqarfimmi sulisunik isumasiuisinnaapput.

Paasissutissat sukumiinerusut
Tusagassiorfinnut nalunaarut una pillugu paasissutissat sukumiinerusut Aqutsisoqarfiup pisortaanut Malene Marie Nielsen-imut mailikkut: mamn@peqqik.gl attaveqarnikkut pissarsiarineqarsinnaapput.