Niaqornarmiut angerlarsinnaalerput

Kalaallit Nunaanni Politiit ullumikkut nalunaarutigaat nunaqarfinni Niaqornani, Saattuni, Ukkusissani, Ikerasammi, Qaarsumili aamma Uummannami innuttaasut naviarnartorsiorsinnaanerannik naliliisimaneq atuukkunnaartoq.

Qaasuitsup Kommunia aamma Nammianersorlutik Oqartussat ataatsimoorlutik matumuuna nalunaarutigaat, taamatut nalunaaruteqartoqarnerata kingorna Niaqornani innuttaasut qimarngusimaneqarnissaat pisariaqarunnaartoq. Taamaattorli Illorsuarni aamma Nuugaatsiami innuttaasut nunaqarfimminnit qimarngusimaneqarnerat suli atuutsiinneqarpoq, tamatumunnga pissutaavoq qaqqamiit qaarsortamik sisooqqittoqassagaluarpat nunaqarfinni taakkunani innuttaasut isumannaatsumiinnissaat qulakkeersimeqarusummat.

Politiit ilanngullugu nalunaarutigaat Uummannami napparsimmavimmi sulineq sapinngisamik piaarnerpaamik nalinginnaasumik ingerlaqqilissasoq.

Kommunimiit aamma Namminersorlutik Oqartussaniit toqqissiallaatigineqarpoq Uummami nunaqarfinnilu qimarngussuiffiusimanngitsuniittut navianartorsiorsinnaasutut isigineqarunnaarmata.

Kommuni Namminersorlutillu Oqartussat peqatigiillutik maanna misissuilereerput Niaqornani innuttaasut tassanilu najugaqarlutik pisortani sulisut angerlaassorneqarnissaat qanoq aaqqissuunneqarsinnaassanersoq. Matumanilu innuttaasut pineqartut, suliffeqarfiillu toqqaannartumik attavigineqartarumaarput.

Annerusumik paasisaqarusuttut Qaasuitsup Kommuniani ingerlatsivimmi pisortamut Sivso Dorph-imut attaveqarsinnaapput, oqarasuaat: 54 02 06