Uummannap sulluani pisut

Uummannap sulluani alianartumik pisoqarnerata kingorna Namminersorlutik Oqartussanut saaffiginnittussat nassitsivigisarsinnaasaannik Namminersorlutik Oqartussat immikkut pilersitsipput.

E-mail adressimik nutaamik pilersitsinermi siunertarineqarpoq Uummannap sulluani alianartumik pisoqarnerata kingorna Namminersorlutik Oqartussanut saaffiginnittartussat sapinngisamik oqilisaanneqarnissaat.

Naakakkersuisut neriuutigaat taamatut nassitsivigineqarsinnaasumik pilersitsoqarneratigut innuttaasut, aamma assersuutigalugu kommunini sullissisut, sapaatip akunnerata siuliata naanerani Uummannap sulluani alianartumik pisumut tunngatillugu Namminersorlutik Oqartussanut saaffiginnissuteqarnissaat sapinngisamik pitsaanerpaamik oqilisarneqassasoq.

”Pisumut matumunnga alianaqisumut tunngatillugu innuttaasut susassaqartullu allat tamarmik Naalakkersuisoqarfinnut sorliugaluartunulluunniit saaffiginninnissartik pisariaqartikkunikku tamanna tunuarsimaarutigissanngilluinnarpaat, aamma saaffiginnissutissat sumut ingerlatinneqarnissaasa nalornissutigineqarnerat pissutigiinnarlugit saaffiginnissutissat unitsinnaarneqartassanngillat”, Naalakkersuisut siulittaasuat Kim Kielsen oqarpoq, nangillunilu:

”E-mail adressemut pilersinneqaqqammersumut nassiunneqartut Naalakkersuisoqarfinnut aqutsisoqarfinnullu sulianik ingerlatsisussanut ingerlateqqinneqarlutik anngunneqartassapput, Saaffiginnissutinillu anngussivigineqartut suliassaq ingerlateqqittassavaat. Matumuuna innuttaasut kaammattorusuppakka pisimasup kingorna ingerlariaqqinnissamut tunngatillugu siunnersorneqarnissaminnut - pisortaniillu ikiorneqarsinnaanerminnut tunngatillugu paasiniaanissaminnut – saaffigisinnaasaminnut periarfissanik tamanik tunuarsimaaratik atorluaaqqullugit.”
E-mail adresse nassitsivigineqarsinnaasussaq tassaavoq: nuugaatsiaq@nanoq.gl

Sukumiinerusumik paasisaqarusuttut Naalakkersuisut Siulittaasuata Naalakkersuisoqarfiani pisortaagallartoq Kunuk Olsen attavigisinnaavaat: Oqarasuaat 34 51 32, imaluunniit e-mailikkut allaffigalugu: olsen@nanoq.gl