Uummannap eqqaani nunaqarfiit orninneqassapput

Naalakkersuisut siulittaasuat Kim Kielsen aamma Naalakkersuisoq Erik Jensen ullumikkut marlunngornermi sakkutuut umiarsuaannut Vædderen-imut ilaallutik Uummannap eqqaani nunaqarfinnut tassaarsuarmit eqqugaanngitsunut qimagussortitsiviunngitsunullu angalaassapput. Kim Kielsen aamma Erik Jensen nunaqarfinni taakkunaniinnerminni, nunaqarfimmi peqqissaasumik kommunimilu isumaginninnermut ikiortimik taavalu politiimik ilaqarlutik innuttaasunik paasissutissiillutik ataatsimiititsissapput.

Angalaarnermi tassani nunaqarfiit sisamaasut tamarmik tassalu Saattut, Ukkusissat, Ikerasak aamma Qaarsut tikinneqassapput. Ippassaq Uummannami innuttaasunik ataatsimiititsisoqarnerani paasissutissat pingaaruteqarsinnaasut saqqummiunneqarnerisa kingorna innuttaasut toqqissisimanerulernerat malunnarsimavoq.

Sapinngisaq naapertorlugu nunaqarfinni ullumikkut tikinneqartussani tamani innuttaasunut paasissitissiilluni ataatsimiititsisoqarsinnaanissaa piviusunngortinniarneqassaaq.

Annerusumik paasisaqarusuttut attavigisinnaavaat: Nauja Møller oqarasuaat 58 26 54 sianerfigalugu.