Uummannap eqqaani eqqugaasunut katersuiniarnerit

Naalakkersuisoqarfiit assigiinngitsut aamma Qaasuitsup Kommunia ulluni makkunani inunnit, peqatigiiffinniit, kattuffinniit, suliffeqarfinniit allaallumi nunat allat oqartussaasuiniit saaffigineqaqattaarput. Tamakku tamarmik aningaasatigut, atisanik atortunillu allanik katersuiniussinertigut Uummannami eqqaanilu eqqugaasunut tapersiinissartik siunertaralugu saaffiginnittarput.

Nuugaatsiami eqqugaasunut kiisalu Illorsuarniit Niaqornaniillu qimagussorneqartunut ikiuukkusunerminnik ulluni makkunani ersersitsisut taama amerlatiginerat Namminersorlutik Oqartussaniit, Qaasuitsup Kommunianiit aamma Kalaallit Røde Korsianniit qujamasuutigineqarpoq.

Nuugaatsiami eqqugaasut katersiniunneqarnerisa ataqatigiissaarneqarnissaat Kalaallit Røde Korsiata Qaasuitsup Kommunia suleqatigalugu ataqatigiissaarniarlugu iluuseqarpoq. Kalaallit Røde Korsiata suliniutai facebookikkut qupperneranni malinnaavigineqarsinnaavoq.

Saniatigut GrønlandsBanken aamma BankNordik katersiniarnermi ikisiffigineqarsinnaasunik kontonik ammaapput:

GrønlandsBanken-imi katersiniarnermut konto: 6471- 1570134

BankNordikimi katersiniarnermut konto: 8120-3061822126

Aamma TELE-POST Kalaallit Røde Korsiata Uummannap eqqaani eqqugaasunut ikiorsiiniarluni katersuiniarneranut iluaqutaasussamik SMS aqqutigalugu katersuiniarnermik aallartitsivoq. Taanna aqqutigalugu tapiiniarut 1880-imut SMS-ersinnaapput uku allallugit:

IKIU 25 –25 kroninik ikisiniaraanni,

IKIU 50 –50 kroninik ikisiniaraanni,

IKIU 150 –150 kroninik ikisiniaraanni.

Namminersorlutik Oqartussat Qaasuitsup Kommuniani isumaginninnermut ingerlatsivik isumaqatigiissuteqarfigalugu pisortatigoortumik tunissuteqarniartut ikisiffigisinnaasaannik GrønlandsBankenimi kontomik pilersitsipput: 6471-1570363

IBAN nr. GL4164710001570363

Swift: GRENGLGX