Upalungaarsimanermut Ataatsimiititaliaq pillugu paasissutissat

Upalungaarsimanermut Ataatsimiititaliaq

Upalungaarsimanermut Ataatsimiititaliaq pilersinneqarpoq, ajornartoornermi kalaallit naalagaaffiullu oqartussaasuini suliniutit atuinerillu ataqatigiissaarneqarnissaannut tunngavissanik pilersitsiniarluni. Ataatsimiititaliaq aaqqissuussaanikkut ajornartoornermik aqutsinermut aallaaviuvoq, aammalu ajornartoornerni ajornartoornermik aqutsinermik pingaarnermik, suliallu akimorlugit ingerlanneqartumik isumaginnittuulluni.

Upalungaarsimanermut Ataatsimiititaliap siunertaraa, ajornartoornermi suliniuteqarnermut pisariaqartinneqartunik politikkikkut tapersersuisoqarnissaa aningaasaqarnermullu tapiisoqarnissaa qulakkeerniarlugu iliuusissanik isumalluutinillu ataqatigiissaarinissaq. Upalungaarsimanermut Ataatsimiititaliami ilaasortat pissutsinik, sullissisunit ataatsimiititaliamut isummerfigeqqullugit qinnutigineqartunik suliaqartussaapput. Upalungaarsimanermut Ataatsimiititaliap atuunnerani ajornartoornerni aalajangersimasuni politiit ataqatigiissaarisutut suliassaat allanngortinneqanngillat.

Upalungaarsimanermut Ataatsimiititaliaq oqalliffiuvoq, kalaallit danskillu oqartussaasuisa aaqqissuussaanerisalu akornanni oqalliffittut atorneqartoq.

Upalungaarsimanermut Ataatsimiititaliap suliassaraa, politikkikkut suliassaqarfinnut, taakkununngalu ilanngullugit Naalakkersuisunut, kommunit borgmesteriinut naalagaaffimmilu oqartussaasunut upalungaarsimanermi pissutsit pillugit siunnersuissalluni paasissutissiissallunilu.

Upalungaarsimanermut Ataatsimiititaliami ilaasortat aalajangersimasut arfineq marluupput, aammalu taasisinnaanatik suleqataatitat, kalaallit danskillu oqartussaasui sinnerlugit peqataasut pingasuullutik.

Upalungaarsimanermut Ataatsimiititaliami ilaasortat

1. Namminersorlutik Oqartussani oqartussaasut

Avatangiisinut Pinngortitamullu Naalakkersuisoqarfik
Naalakkersuisoqarfimmi pisortaq

Avatangiisinut Pinngortitamullu Naalakkersuisoqarfik
Upalungaarsimanermut Ataatsimiititaliap Allattoqarfia

Nakorsaaneqarfik
Nakorsaaneq

2. Kommunini oqartussaasut

KANUKOKA
Pisortaq

3. Naalagaaffimmi oqartussaasut

Politimestereqarfik
Politimesteri

Issittumi Sakkutooqarfik
AKO-mut pisortaq

Kalaallit Nunaanni Rigsombudi
Rigsombudsmandi

4. Taasisinnaanatik peqataatitat

Peqqissutsimut Naalakkersuisoqarfik
Nakorsaaneq (taasisinnaanani peqataatitaq)

Avatangiisinut Pinngortitamullu Naalakkersuisoqarfik
Uuliaarluertoqarnissaanut  (taasisinnaanani peqataatitaq) upalungaarsimasuni akisussaasoq

Inuussutissarsiornermut, Aatsitassarsiornermut Suliffeqarnermullu Naalakkersuisoqarfik
(taasisinnaanani peqataatitaq)