Kim Kielsen aamma Erik Jensen Uummannamut tikipput

Naalakkersuisut siulitttaasuat Kim Kielsen aamma Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoq Erik Jensen ataasinngornermi unnukkut Uummannamut tikipput.

Kim Kielsen aamma Erik Jensen Uummannamut tikeqqammiinnarlutik Uummannap oqaluffiani qinoqatigiinneq peqataaffigaat. Oqaluffimmi qinoqatigiittoqareermat peqataasut atuarfimmukaapput, tassanilu politiit Qaasuitsup Kommunianeersut aamma Naalakkersuisut oqartussat assigiinngitsut sulinerat pillugit innuttaasunut paasissutissiipput.

Naalakkersuisut siulittaasuat najuuttunut misiginneqataanermik oqaaseqarpoq, tamatumalu kingorna upalungaarsimanermut atatillugu Naalakkersuisunit suliarineqartut piffissamilu tulliuttumi iliuuserineqartussat pillugit naatsumik saqqummiussivoq.

Aamma Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoq Erik Jensen ilaqutaasunut najutuunullu tamanut misiginneqataalluni oqaaseqarpoq, tamatumalu kingorna aamma innuttaasut ikiortissarsiornialerunik oqartussat sorliit attaveqarfigisinnaaneraat nassuiaateqarluni.

Annerusumik paasisaqarusuttut attavigisinnaavaat paasissutissiinermik suliaqarluni angalaqataasoq Nauja Møller, taanna attavigineqarsinnaavoq oqarasuaat 58 26 54 sianerfigalugu.