Island misiginneqataavoq

Nuugaatsiami ulussaarsuamik ajunaarnersuaqarnera pillugu Nunanut Allanut Naalakkersuisoq Suka K. Frederiksen Islandillu Nunanut Allanut ministeriat Gudlaugur Thór Thórdarson ullumikkut oqarasuaatikkut oqaloqatigiipput. 

Islandimi Naalakkersuisut sinnerlugit Nunanut Allanut Ministerip pisumut ernumanini misiginneqataaninilu apuuppaa, pisariaqartinneqarpallu Island Kalaallit Nunaannut ikiuunnissaminut piareersimanera ilisimatitsissutigalugu. ”Ullumi nunanut allanut Naalakkersuisoqatiga Suka K. Frederiksen oqaluuppara Island Kalaallit Nunaannik tapersersuinera apuullugu, pisariaqartinneqassappallu ikiuunnissaminut piareersimalluta”.

Tamanna pilugu Nunanut Allanut Naalakkersuisoq Suka K. Frederiksen ima oqaaseqarpoq: 
”Islandimi Nunanut Allanut Naalakkersuisooqatimma ullumikkut sianernera qujamasuutigaara, tuppallernarpoq Islandimi Naalakkersuisut innuttaasullu pisumi immikkut isumalluutinik ikiuunnissamillu pisariaqartitsigutta neqerooruteqarnerat. Qanittumik attaveqarneq ikinnguteqarnerlu paasillugu pitsaavoq, piffissanilu ilungersuanartorsiorfiusuni sanilerisanik pitsaasumik attaveqarneq ersersinneqarpoq”. 

Suka K. Frederiksen-ittaaq ilisimatitsissutigaa sumiiffinni eqqugaanerpaaffiusuni nuanit allanit innuttaassusilinnik takornarianilluunnit maannamut akuusoqarneranik ilisimatitsisoqarsimanngitsoq, Islandimiillu ilisimatitsissutit Naalakkersuisunut tamanut apuunneqareersoq ilisimatitsissutigalugu. 


Annertunerusumik paasisaqarusukkussi Naalakkersuisoqarfimmi pisortaagallartumut Jacob Isbosethsen-imut +299556772 imaluunnit Nuummi Island-imiut generalkonsul-iannut Pétur Ásgeirsson +299562300-mut attaveqarsinnaavusi.