USA-p sakkutooqarfikuini assigisaanilu saliinissamut Naalagaaffik 150 mio. kroninik aningaasaliissaaq

Naalakkersuisut siulittaasuat Kim Kielsen aamma ministeriuneq Lars Løkke Rasmussen iliuusissatut anguniagassanut tunngasumik ullumikkut atsioqatgiissuteqarput. Atsioqatigiissutigineqartup imarisaa tunngavigalugu USA-p nunatsinni sakkutooqarfigisimasaani atortukut qimaannakkat salinneqarnissaannut naalagaaffik ukiuni tulliuttuni tallimani katillugit 150 mio. kroninik aningaasaliissuteqartussanngorpoq.

Ullumikkut isumaqatigiissutigineqartumi ilanngullugu isumaqatigiissutigineqarpoq politikikkut isumaqatigiissutissaq sukumiinerusoq kingusinnerusukkut atsioqatigiissutigineqarumaartoq.

Anguniagassatut siunniussatut isumaqatigiissut PDF-inngorlugu aasinnaavat.

Ullumikkut isumaqatigiissutigineqartup assingi takusinnaavatit: (kalaallisut / danskisut)

Sukumiinerusumik paasisaqarusuttut Naalakkersuisup allattaanut Karen A. Motzfeldt-imut attaveqarsinnaapput, oqarasuaat: + 299 562450