Annikitsumik aatsitassarsiornissamut tunngasuni paasissutissiissutitut atortussiaq nutaaq

Ukiuni kingullerni annikitsumik aatsitassarsiornermut tunngasut soqutigineqarnerat annertusiartorpoq. Taamaammallu annikitsumik aatsitassarsiornermut akuersissutit suliniutillu aamma annertuumik amerleriarput. Naalakkersuisut taamatut pitsaasumik ineriartorneq tapersersorusuppaat. Annikitsumik aatsitassarsiornermut tunngasunut maleruagassanik, pisinnaatitaaffinnik atugassaritinneqartunillu paasiuminartumik paasissutissiineq suliniutit ilagaat. Peqatigisaanillu annikitsumik aatsitassarsiortarneq pillugu oqaluttuat nuannersut siaruarternissaat pingaaruteqarpoq, tamannami akuersissutaateqartunut siunissamilu annikitsumik aatsitassarsiornermut akuersissuteqalerumaartussanut pingaarutilimmik isumassarsititsillunilu kajumissaataasinnaammat.
Taamaammallu Aatsitassanut Ikummatissanullu Naalakkersuisoqarfik annikitsumik aatsitassarsiornermut tunngasunik paasissutissiissutinik suliaqarpoq, taakkulu atugassiamut Sermitsimi immikkut tapiliussatut saqqummissapput. Immikkut tapiliussami ilaatigut qanoq annikitsumik aatsitassarsiornissamut akuersissummik qinnuteqartoqartarnersoq kiisalu pisinnaatitaaffiit atugassarititallu suut annikitsumik aatsitassarsiorsinnaanermut akuersissutilinnut atuunnersut paasissutissiissutigineqarpoq. Aammattaaq aatsitassanut ikummatissanullu inatsit nutaaq, innuttaasullu ujaqqanik katersisinnaanermik pisinnaatitaaffiinik taassuma qanoq patajaannerulersitsinera paasissutissiissutigineqarluni. Taamattaarlu maanna annikitsumik aatsitassarsiorsinnaanissamik akuersissutaateqartut pillugit oqaluttuat arlallit isumassarsiutissatut ilanngunneqarput.
Allaaserineqartut taakku allarpassuillumi Sermitsiami naqitami, uaniluunniit pdf-inngorlugu annikitsumik aatsitassarsiorneq pillugu immikkut tapiliussami atuarsinnaavatit
[indsæt pdf]

Annertunerusumik paasisaqarumallutit uunga attaveqarit, Naalakkersuisup allattaa Jane Petersen Lantz, Aatsitassanut Ikummatissanullu Naalakkersuisoqarfik, tlf: 346839, e-mail: japl@nanoq.gl

imaluuniit

Naalakkersuisoqarfiup pisortaa Jørgen T. Hammeken-Holm,  Aatsitassanut Ikummatissanullu Naalakkersuisoqarfik, tlf: 346846, e-mail: joeh@nanoq.gl