Tunumi avataasiorluni ukioq manna avaleraasartoortassiissutit agguaannerat

Ingerlatsiviit 13-init Tunumi avaleraasartuunik ukioq manna aalisarusullutik qinnuteqarsimasut Aalisarnermut Piniarnermullu Naalakkersuisoqarfimmiit ilisimatinneqarput aalisarnissamik akuersissummik tunineqarlutik.

Tunumi avataasiorluni avaleraasartuunik aalisagartassat 2017-imi 66.365 tonsiupput. Aalisagartassat tamakkiisut agguaassinermi salliutitassanut marlunnut agguataarneqarput.

Aalisagartassiissutit aalisarnerup nalaani pisariaqassappat agguaanneqaqqissinnaapput.

Salliutitassat 1

Salliutitassani 1-imi aalisagartassat 46.365 tonsiupput, aalisariutinut Kalaallit Nunaanni pigineqartunut assigiimmik agguaassassanngorlugit.

Ingerlatsiviit salliutitassani 1-imi aalisariutit Kalaallit Nunaanni pigineqartut tamarmik immikkut aalisariutit 5.152 tonsinik tunineqarput. Aalisariutit uku salliutitassami 1-imi aalisagartassaqarnermik ilisimatinneqareerput:

Selskaber                
Fartøj                
Mængde
Pelagic Greenland
Tasiilaq
5.152

Tuneq 5.152 
Polar Pelagic
Polar Amaroq 5.152
Polar Seafood
Polar Princess
5.152
Qajaq Trawl
Markus
5.152
Sigguk A/S
Polar Nanoq
5.152
Nanoq Seafood
Tasermiut
5.152
Qaleralik
Tuugaalik
5.152
Sikuaq Trawl
Svend C
5.152

Minnerpaamik 75 procentit salliutitassani 1-imi aalisariutinik Kalaallit Nunaanni pigineqartuni aalisarneqassapput. Sinneruttut 25 procentii aalisarneqarsinnaassapput attartornermi imaluunniit erfalasulikkanik aalisariutinik attartornikkut, imaluunniit salliutitani 1-imi aalisagartassinneqartut aalisariutit suleqatigiinnerisigut.

Salliutitassat 2

Salliutitassat 2-mi aalisagartassat 20.000 tonsit agguaanneqarput. Ingerlatsivinnut namminneq angallateqanngitsunut, taamaattumillu angallatinik attartortunik imaluunniit utaqqiisaasumik erfalasulikkanik aalisariutinik attartortunut agguaaneqarpoq.

Salliutitassani 2-mi aalisagartassat 20.000 tonsiuvoq, ingerlatsivinnullu tallimanut angeqqatigiinnik 4.000 tonsinut agguaanneqarluni. Ingerlatsiviit uku salliutitassani 2-mi aalisagartassaqarnermik ilisimatinneqareerput, angallatinik attartornermi imaluunniit utaqqiisaasumik erfalasulikkanik aalisariutinik attartornermi aalisariutinillu nalunaarsuinermik piumasaqaatit malinneqarnissaat naatsorsuutigalugu:

Selskaber             Mængde
Arsuk Food
4.000
Kitaa Seafood
4.000
Rodebay Fish
4.000
Sermilik
4.000
Iluliaq Seafood
4.000

Tusagassiorfinnut nalunaarummi taaneqanngitsunik sukumiinerusumik paasissutissanik pissarsiniarnermi Aalisarnermik Piniarnermullu Naalakkersuisoqarfik attavigineqarsinnaavoq, apn@nanoq.gl.

Attavissatut innersuunneqarpoq Kunuk Holm, Immikkoortortaqarfimmi pisortaq, Aalisarnermi Piniarnermullu Naalakkersuisoqarfik. E-mail: kunh@nanoq.gl