Londonimi peqqarniisaarluni saassussinermut atatillugu oqaaseqaat


Nunanut allanut tunngassutilinni Naalakkersuisoq Suka K. Frederiksen ima oqaaseqarpoq:

”Tuluit Nunaat peqqarniisaarnermik eqqorneqaqqippoq, inuillu pisuussuteqanngitsut alianaqisumik eqqorneqaqattaarnerat piuarluni, taamaattumillu tamat oqartussaaqataanerat isumannaatsuunissarlu pillugu illersornissaat pingaaruteqarluinnarpoq. 

Nunarsuarmioqatigiinnut ilaavugut, taamaattumillu inuusuttavut kajumissaartuarpavut nunarsuarmut angalallutik misilittakkanik katerseqqullugit, taamaalilluta nammineq iliuuserisavut ilisimaqqissaarlugit ingerlasinnaalluta, nunarsuarmioqataavugummi. 

Peqqarniisaarniarnerit suulluunniit akuerinngilluinnarpavut, nalaanneqartunullu misiginneqataanerput annertoqaaq. Pisunut malinnaasuulluni tujorminaqaaq, nunarsuarpullu eqqisinermik ataatsimut anguniagaqarfiusutut siumut ingerlatissagutsigu nunat akornanni suleqatigiinnerup annertusarneratigut siumut aqqutissap illiniliuunnissaa pisariaqarpoq. Ajoqusertunut, minnerunngitsumillu ilaqutaasunut eqqarsaativut misiginneqataanerpullu apuukkusuppakka.” 

Namminiilivinnermut, Nunanut Allanut Nunalerinermullu Naalakkersuisoqarfimmit ilisimatitsissutigineqarpoq, Nunanut Allanut ministeriaqarfiup innuttaasunik sullissiviat, Londonimi danskit aallartitaqarfiat peqatigalugu ilisimatitsissutigineqarmat danskisut innuttaassusilinnik, tassani kalaallit innuttaasui ilanngullugit ajoqusertoqaranilu ajunaartoqarsimanngitsoq. 


Annertunerusumik paasisaqarusukkussi Naalakkersuisoqarfimmi Pisortaagallartoq Jacob Isbosethsen oqarasuaammut +299556772-imut attavigineqarsinnaavoq.