Aningaasat pillugit isumaqatigiissut 2017-imoortoq atsioqatigiissutigineqartoq

Naalakkersuisut Siulittaasuat Kim Kielsen aamma Europami Kommissæri Neven Mimica naapittut Suleqatigiinnissamullu isumaqatigiissutip ataani aningaasat pillugit isumaqatigiissut 2017-imoortoq atsioqatigiissutigaat

Naalakkersuisut Siulittaasuat Kim Kielsen aamma nunat tamalaat akornanni suleqatigiinneq ineriartortitsinerlu pillugit Europami Kommissæri Neven Mimica sisamanngornermi ulloq 2. juuni ataatsimiipput, Kalaallit Nunaanni aningaasaqarneq naalakkersuinerlu pillugit oqaluuserineqarlutik. Naalakkersuisut Siulittaasuata Kim Kielsenip aamma Europami Kommissærip Neven Mimicap Kalaallit Nunaata EU-llu Suleqatigiinnissamut isumaqatigiissutaasa siunissaat, qanorlu suleqatigiinnerup inerisarneqarsinnaanera aamma oqaluuseraat.

Ataatsimiinneq naggaserlugu ukioq mannamut aningaasat pillugit isumaqatigiissut atsioqatigiissutigineqarpoq, taamaaliornikkut Suleqatigiinnissamut isumaqatigiissut naapertorlugu EU-p Kalaallit Nunaannut aningaasaliissutai nuunneqarsinnaanngussallutik.

Europami Kommisæri Neven Mimica oqarpoq:

"Kalaallit Nunaata aningaasarsiornerata innuttaasullu atugarissaarnerisa assigiinngiiaartuunissaanut qulakkeerinninniarnermi ilinniagaqarneq assassornermillu ilinniagaqarneq pingaaruteqarluinnarput. 235 millioner koruuninik (31,6 millioner Euro) tapersiinitsigut Kalaallit Nunaanni innuttaasut ilinniagaqassusaannik qaffassaanissamut piginnaasaqarnerusunillu sulisiqalernissamut erseqqissunik angusaqarnissamut ikiuutissaagut."

Naalakkersuisut Siulittaasuat Kim Kielsen oqarpoq:

”Kalaallit Nunaata EU-llu Suleqatigiinnissamut isumaqatigiissutaat naapertorlugu aningaasat EU-mit ukioq manna nuunneqarnissaat atsioqatigiissutigaarparput. Atsioqatigiinnerput suleqatigiilluarnitsinnut ersiutaavoq. Atsioqatigiinneq Naalakkersuisut EU-mik suleqatigiinnermik pingaartitsinerannik takussutissaavoq, suleqatigiinnerullu ingerlaannarnissaa kissaatigalutigu tamanna meerartatta inuusuttortattalu ilinniagaqarnissaannut annertuumik iluaqutaammat.”

Europami Kommissæri ullup ingerlanerani Ilisimatusarfimmi ilinniartut aamma naapippai. Tallimanngonrermi ulloq 2. juuni skal Eurpami kommissæren Ilulissiassaaq tassani meeqqat atuarfissaat, Perorsaanermik Ilinniarfik, Royal Greenlandillu aalisakkerivia takusassavai Ilulissallu Kangiani angallammik angalaassalluni.

 

Paasisaqarnerorusuttut attavissaat:
Aallartitaqarfimmi pisortaq Mininnguaq Kleist
Kalaallit Nunaata Bruxellesimi Sinniisoqarfia
Oqarasuaat +32 499 99 98 58