Nunaqarfiga saligaatsuutiguk

Naalakkersuisut Siulittaasuata Kim Kielsenip inoqarfiit mikinerit ataatsimeersuartinneqarnerannut atatillugu tujuuluaraq ”Nunaqarfiga saligaatsuutiguk”-mik allannilik saqqummiuppaa. Tamanna pivoq nunaqarfiit avatangiisii pillugit Kim Kielsenip oqalugiarnerani.

Naalakkersuisut Siulittaasuat Kim Kielsen oqalugiarami ilaatigut ima oqarpoq:
”Nunaqarfinni eqqagassanut imermullu errortuutikumut aaqqiissutissat torersut sukkanerusumik qulakkeerneqassapput. Eqqaavissuarnik iluarsagassarpassuaqarpugut. Nunaqarfinni ikuallaaveeqqat ajorput, taamaammallu eqqagassat ataatsimoortillugit silaannarmi ikuallanneqartarlutik. Tamanna 2007-imili inerteqqutaalerpoq. Eqqagassalerinerli avatangiisinik eqqiluitsitsineruinnanngilaq. Inuit peqqissusaannut aamma tunngassuteqarpoq.

Eqqagassalerinermi aaqiissutissat ullutsinnut naleqquttut ujartornerat annertusassavarput. Eqqagassaatitsinnut akisussaaffik tigussavarput. Suliniuterpassuaqarpoq, siunertattali angunissaanut aqqut suli takeqaaq. Avatangiisinut Aningaasaateqarfik taamaammat pisariaqarpoq.

Eqqagassat tamatta akisussaaffigaagut. Tamattaalluta angerlarsimaffitsinni, aqqusinerni, pinngortitami imaanilu eqagassaatitta qanoq pisarnerigut eqqumaffigissavarput.”

Oqalugiaat tamakkerlugu uani atuaruk.

Ataatsimeersuarnermut pilersaarut, oqalugiaatit saqqummiussallu uani takukkit.

Paasisaqarerorusuttut attavigisinnaavaat Naalakkersuisumut allatsi Karen A. Motzfeldt, oqarasuaat +299 56 24 50 imaluunniit e-mail karm@nanoq.gl.