Nunatsinni Ilisimatusarnermik Siunnersuisoqatigiit

Ilisimatusarnermut siunnersuisarneq ilisimatusarnermullu aningaasaliisarneq pillugit Inatsisartut inatsisaat nr. 5, 29. november 2013-imeersoq tunngavigalugu Nunatsinni Ilisimatusarnermik Siunnersuisoqatigiit nutaat toqqarneqarsimalerput.

Inatsisip siunertaraa kalaallinut inuiaqatigiinnut iluaqutaasussamik Kalaallit Nunaanni aallaaveqartumik kalaallit ilisimatusarnerisa siuarsarnissaat nukittorsarnissaallu.

Ilinniartitaanermut Kultureqarnermut Ilisimatusarnermut Ilageeqarnermullu Naalakkersuisoq, Doris Jakobsen, Naalakkersuisut sinnerlugit matumuuna nalunaarutigaa Nunatsinni Ilisimatusarnermik Siunnersuisoqatigiit ilaasortat ataani allaqqasut toqqarneqarsimasut.

Inatsimmi takuneqarsinnaavoq toqqaaneq kalaallit ilisimatusarnikkut suliffeqarfiutaannit, ilisimatusarnikkut qitiusumik sammisaqarfiinit, ilisimatusarnikkut suliaqartunit kiisalu aallarnisaasutut nutaaliornikkullu suliaqartunit inassuteqartitsinikkut pissassasoq.

Taakku 1. apriili 2017-imiit – 31. marsi 2020-mut ilaasortaasussatut ivertinneqarput.

Siulittaasoq

  • Josephine Nymand, Afdelingschef, Pinngortitaleriffik

Ilaasortat

  • Morten Meldgaard, Professor, Ilisimatusarfik, Inuiaqatigiillerineq
  • Louise Kolby Christensen, Underviser, Campus Kujalleq, Inuiaqatigiilerineq
  • Gert Mulvad, Ilaqutarinnut Nakorsaq, Peqqissusermik Ilisimatusarfik, Peqqissutsikkut ilimatusarneq
  • Lotte Frank Kirkegaard, Pisortaq, CSR Greenland, Nutaaliorneq/Innovation
  • Thomas Ingemann-Nielsen, PhD., ARTEK, Teknologii -Nutaaliorneq
  • Inge Høst Seiding, PhD., Nunatta Katersugaasivia Allagaateqarfialu, Humaniora
  • Daniel Thorleifsen, Direktør, Nunatta Katersugaasivia Allagaateqarfialu, Humaniora
Toqqaaniarnermi suliffeqarfiit toqqarneqartussanik innersuusseqataassimasut periarfissaq manna iluatsillugu Naalakkersuisumt qujaniarnifigineqarput.

Annertunerusumik paasisaqarusunnermi saaffigineqarsinnaavoq Sten Lund, Ilisimatusarnermut ataqatigiissaarisoq, Toqq. 345627, stlu@nanoq.gl