Naalakkersuisut Nuummi PANAM 2018 tapersersorpaat

Inatsisartut Aningaasaqarnermut Ataatsimiititaliaata Panamerikami angutit pissartanngorniunnissaat pilersaarutit malillugit nuummi 2018-imi ingerlasussaq, 2 mio. kr.-nik taperneqassasoq aalajangerpaat.

”Nuannaarutigalugu nalunaarutigissavara, Naalakkersuisut aalajangermassuk, Panamerikami angutit pissartanngorniunnissaat nuummi 2018-imi ingerlanneqartussap taperneqassammat. Nunatta soqutigisaraa, timersortartut siuarsarnissamut aamma nunanut allanut pisinnaasatik takutinnissaannut, periarfissinneqarluarnissaat. Pissanganartuaannarpoq nunanut allanut unammisartugut angusaat malinnaavigissallugit, immikkullu nunat tamalaat unammiuaaraangata, qaavatigullu nunatsinni unammisoqassalluni”, taama oqarpoq Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoq, Doris Jakobsen.

Nunatsinni timersortartunut sunniuteqarluarnissaata saniatigut, Naalakkersuisut neriuutigaat, aaqqissukkap nunarput tamaat iluaqusissagaa, nunanummi tamalaanut malugineqarnissaanik periarfissiissammat, soorlu takornariaqarnerup nittarsaannissaanut.

Assammik arsarluni Panamerikami Pissartanngorniunnissaq Kalaallit Nunaanni Assammik Arsartartut Kattuffiata ingerlatissavaa.

Paasisaqarnerorusukkaanni attavigineqarsinnaavoq
Naalakkersuisup allattaa Rosa Thorsen
rosat@nanoq.gl
+299 34 66 05