Internetimi kanngutsaatsuliornerit akerartuinerillu

Qarasaasiaq atorlugu kinguaassiutitigut kanngutsaatsuliortarnerit uumissuerpalaartumillu oqaaseqaateqarterit ukkatarilernissaat pisariaqarpoq

Qarasaasiaq atorlugu kinguaassiuutitigut kanngutsaatsuliortarnerit uumissuerpalaartumillu oqaaseqaateqarterit pinaveersaartinniarlugit qanoq iliorsinnaanera pillugu, Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisup Sara Olsvigip aamma danskit inatsisinik atuutsitsinermut ministeriata (isumaginnermut ministeriusimasup) Karen Ellemannip ataatsimeeqatigiinneranni peqqammersumi ilaatigut eqqartorneqarput. Ataatsimiinneq Nunani Avannarlerni Naligiissitaanermut Naalakkersuisut Norgemi ataatsimiinnerannut atatillugu pivoq.

Qarasaasiaq atorlugu kinguaassiutitigut kanngutsaatsuliortarnerit soorlu assinik inunnik atisaqanngitsunik atoqatigiittunillu siammarterisarnerit inunnut eqqugaasunut annertuumik kingunerlutsitsisinnaapput tarnimikkullu sivisuumik ikilerneqaatigisinnaasarlugit.

Inuusuttorpassuit qarasaasiat atugaaleriartornerini nalorninartorsiorsinnaapput, pingaartumik killissat eqqarsaatigalugit. Pingaartumik inuussuttut – niviarsiaraanerusut – qarasaasiaq atorlugu atoqatigiittarnernik kanngunarsarneqarsinnaanissaminnut ulorianartorsiortarput, soorlu atoqatigiinnernik assinik akiniaalluni nassinneqartarnikkut. Assersuutigineqarsinnaapput aapparisap assilisimasaminik allallu susassarinngikkaluagaanik ikinngutiminnut siammarterisarneri immaqalu nittartakkatigut attaveqaqatigiittarfinnut ikkunneqarsimasunik taamaasillutillu qarasaasiaq il.il. aqqutigalugu tamanut siammarterneqarsinnaalersartunik. Nittartakkakkut saqqummiunneqarneq kanngusorujussuarnermik kinguneqarsinnaavoq kanngutsaatsuliorfigineqarnerullu kingunerisaanik eqqorneqartoq mattusimalersinnaalluni. Taamatut pisoqarneratigut eqqorneqartup nammineq timini oqartussaaffigiunnaartarpaa.

”Qarasaasiat atorlugit kinguaassiutitigut kanngutsaatsuliortarnerit ilungersunartuupput tamattaalluta - inuusuttuugutta, angajoqqaagutta, ilinniarfiugutta politikeriugutta politiiuguttaluunniit il.il. - eqqumaffigisariaqagarput. Assersuutigalugu atoqatigiinnermit assinik akiniaalluni nassitsisoqarsimatillugu tamanna eqqorneqartup kanngusorujussuarneranik kinguneqartarpoq. Qarasaasiaq atorlugu kinguaassiutitigut kanngutsaatsuliortarnerit inuiaqatigiittut akuerissanngilavut soorluttaaq qarasaasiaq atorlugu uumissuerpalaartumik oqaaseqaateqarterit oqaaseqartarnerillu akuerisariaqanngikkivut" Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoq oqarpoq.

Uumissuerpalaartumik asissuerpalaartumillu oqaaseqartarnerit akiussavagut

Aamma inoqatinik inuppaanilluunniit oqaatsit, kinaassuseq imaluunniit upperisaq tunngavigalugu uumissuerpalaartumik asissuerpalaartumilluunniit qarasaasiakkut oqaaseqartarnerit akiorneqassapput.

”Qarasaasiaq atorlugu kinguaassiutitigut kanngutsaatsuliortarnerit uumissuerpalaartumillu oqaaseqarterit politikkikkut qanoq iliuuseqarfigisinnaanerivut ataatsimiinnermi ilaatigut eqqartorparput. Ataatsimeeqatigiinneq pissarsinartorujussuuvoq suliniutissallu suliarinissaannut immitsinnut immersoqatigiilluta. Pingaaruteqarpoq erseqqissassallugu killiligaanngitsumik oqaaseqarsinnaatitaanermut ilaammat inunnik allanik immikkoortitsinnginnissamik nakkarsaannginnissamillu pisussaaffeqarneq. Uumissuerpalaartumik asissuisumilluunniit qarasaasiakkut allattarnerit akiunngikkutsigit inuusuttut ilaasa nikassarneqarnissartik

Paasissutissat allat naalakkersuisut allattaanut saaffiginnilluni pissarsiarineqarsinnaapput: Nina Jul Larsen, oqarasuaat 53 93 71.