Avataani pisassinneqarnissamut tunngavigineqartussat

Trawler
Naalakkersuisut avataasiorluni qaleralinnik, saarullinnik aamma suluppaakkanik tunineqarsinnaaneq naatsorsuutigineqarsinnaassappat ingerlataqartunut nutaanut aalajangiinernut tunngavissanik maajip aappaanni aalajangersaapput.

Naalakkersuisut avataasiorluni aalisarnissamut ukioq manna agguaassinermut atatillugu aalajangerpaat qalerallit, saarulliit aamma suluppaakkat 10 procentii immikkoortinneqassasut.

Uku pisassiissutigineqarlutik:

Kitaata Avannaani qalerallit 793 tonsit.
Kitaata Kujataani qalerallit 295 tonsit.
Tunumi qalerallit 250 tonsit.
Tunumi suluppaakkat immap natermiut 462 tonsit.
Kitaani (1F) - Tunumilu saarulliit 1.138 tonsit.

Pisassiinermi tunngavigineqartussat

Pisassiissutigineqartunut aalisarniarlutik qinnuteqarniartut piumasarineqartut uku tunngavigissavaat:

1. Qinnuteqartut piginnittuuneq pillugu aalisarnermut inatsimmi § 6 naammassisimassavaat.
2. Nunami allamiut 1/3-imik piginnittuuneranni, nunami allamiut piginnittut ingerlatseqatigiiffimmut aalajangiisuusutut sunniuteqannginneri uppernarsarneqarsimassaaq.
3. Qinnuteqartut tamarmik aalisarneq pingaarnertut inuussutissarsiutigissavaat.
4. Iluarsartuullugu pilersaarummi sapinngisamik peqataasut amerlanerit piumaneqarnerussapput.
5. Qinnuteqartut aalisagaqatigiinnut qinnutigineqartunut pisassiissutinik pigisaqareersuussanngillat.
6. Tamanut saqqummiussinermiit qinnuteqaatit nassiunnissaannut ullunik 14-inik piffissaliisoqassaaq.

Ulloq qinnuteqarfissaq kingulleq tassaavoq maajip 17-iat 2017.

Attavigineqarsinnaavoq Aalisarnermut Piniarnermullu Naalakkersuisoqarfimmi immikkoortortami pisortaagallartoq, Kunuk Holm. Email: kunh@nanoq.gl