Nunarput Issittumi ilisimatusarnermi katersuuffinngoriartortoq

Ukiuni kingullerni sermersuup aakkiartornera ilutigalugu Nunatsinni Naalaagaaffeqatigiillu iluani malunnarsiortorpoq issittumi ilisimatusarneq annertusiartuinnartoq.

Nunat angisuunik taasartakkavut soorlu USA, Rusland, Kina, Japan, Europamilu nunat arlariit issittumik ilisimatusarnertik ukiuni kingullerni annertusiartortiinnarnagu nunat pineqartut immikkut ingerlaasissaminnik aalajangersaanerulersimapput kiisalu suleqatigiiffigisinnaasaminnik naaperiaasarneq pingaarnerulersikkiartorlugu.

Nunarput ineriartornermut tassunga malinnaassappat, ilisimatusarnikkut nunanut allanut attaveqarnerup nukittorsarnissaa pisariaqarpoq. Ilisimatusarneq tunngavigalugu ilisimasaqaleriartornerup pinngorartitsisinnaanermut iluaqutaasarpoq, inuiaqatigiinnullu naleqalersitsinermik pilersitsisarluni.

Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfiup Nunatsinni Ilisimatusarnikkut isaariaqalersinnaanissaa (ForskningsHUB) misissorlugu aallartissimavaa. lisimatuussutsikkut paasisanik siammarterisarneq Danmark-imi Ilinniartitaanikkut lisimatusarnikkullu Naalakkersuisoqarfik suleqatigalugu suliniuteqalersimalluni.

Tassunga tunnngatillugu isumasioqatigiinnerit marluk Hotel Hans Egede-imi ingerlanneqassapput:

Pingasunngorneq 3. maj 2017 nal 12.00 Hotel Hans Egede-imi Ilisimatusarnermi isaaffimmik (HUB) pilersitsinissaq isumasioqatigiinnermi eqqartorneqassaaq nunani allani tamakkuninnga ilisimasallit saqqummiisoralugit.

Sisamanngorneq 4. maj 2017 nal 08.30  Hotel Hans Egede-imi Ilisimatusarnermi paasisanik innuttaasunut apuussuisarneq aallarnisarlugu sammisaqartitsisoqassaaq. Tassani Dr. Nimesh A. Patel Harvard University-meersoq ilaatigut saqqummiussissaaq avataarsuanut Radio-p maligaasai iluaqutigalugit qinngussuarmik Pituffimmi Sermersuullu qeqqani napparneqartussaq oqaluttuarissallugu http://vlbi.asiaa.sinica.edu.tw/project.php .

Nal. 13.30 – 14.30 Dr. Nimesh A. Patel Hotel Hans Egede-imi tusagassiortunit naapinneqarsinnaassaaq.

Paasisaqarnerorusukkuit attavigisinnaavatit

 

Ilisimasanik siammarterisarnermut tunngatillugu

Ilisimatusarnermut ataqatigiissaarisoq

Sten Lund

Oqarasuaaat Toqq. 345627

stlu@nanoq.gl

 

Nunatsinni Ilisimatusarnikkut isaariaqalernissaanut tunngatillugu

Carl Egede Bøggild, Ph.D.

Oqarasuaaat Toqq. 345627

cebg@nanoq.gl