Qaasuitsumi qassusersorluni qaleralinniarneq sivitsorneqartoq

Qaasuitsup Kommuniani qaleralinnik qassusersorluni aalisarneq sivitsorneqarpoq maajip qaammataata naaneranut

Qaasuitsup Kommuniani kommunalbestyrelsip qaleralinnik qassusersorluni aalisarnerup sivitsorneqarnissaanik aalajangiisimavoq tamannalu pivoq aalisartut piniartullu piumasaqareernerisa kingorna. Taamatut piumasaqarnermut peqqutaavoq ukioq manna sikuunerujussuata kingunerisaanik qassutinik aalisartoqarsinnaasimannginnera.

Qassusersorluni qaleralinnik aalisarneq kommunip ileqqoreqqusaani 6. september 2011-imeersumi § 3 imm. 1-imi aalajangersarneqarpoq apriilip 30-ani naanissaa. Qaasuitsup kommuniani Piniarnermut Aalisarnermullu Ataatsimiititaliap kommunalbestyrelsimut innersuussutigisimavaa piffissarititaasup sivitsorneqarnissaanik taamaasilluni qassusersorluni aalisarneq maajip 31-ianut atuutiinnassasoq. 

Aalisarnermut, Piniarnermullu Naalakkersuisup Karl-Kristian Krusep saaffiginnissut nalilersorluareerlugu aalajangerpoq Qaasuitsup Kommuniani qassusersorluni qaleralinnik ileqqoreqqusap allannguuteqartinneqarnissaa. Tamannali pitinnagu maanna ileqqoreqqusami atuuttumi piffissarititaasup qimmorneqarnissaa aalajangiilluni taamaasillunilu Qaasuitsup Kommuniani qaleralinnik qassusersorneq maajip 31-iata 2017 tungaanut pisinnaalerluni.


Attavigineqarsinnaavoq: apnn@nanoq.gl