Naalakkersuisuni allannguineq

Naalakkersuisuni ilaasortunngortup Erik Jensen-ip Naalakkersunngortinneqarneranut atatillugu Naalakkersuisoqarfiit agguataarneqarneranni aamma allannguuteqartitisoqarpoq.

Vittus Qujaukitsoq ullaap tungaani nammineerluni nalunaarutigaa naalakkersuisuunerminit tunuartussanngorluni.

Inatsisartut ataatsimiinnerat nalunaaqutaq aqqanermut aallartippoq, tassanilu Naalakkersuisut siulittaasuat Kim Kielsen ilisimatitsivoq Naalakkersuisuni ilaasortat akisussaaffiisa agguataarneqarneri allannguiffigineqassasut, aammalu siornatigut naalakkersuisuusimasoq Karl Kristian Kruse Aalisarnermut Piniarnermullu Naalakkersuisoqarfimmi Naalakkersuisunngoqqissasoq siunniussimagini.

Tamatuma kingorna Naalakkersuisut siulittaasuata Naalakkersuisuni ilaasortanngortussatut akisussaaffeqarfiillu allannguutissaattut innersuussutigisai Inatsisartunit taasissutigineqarmata Naalakkersuisuni siulittaasup Kim Kielsen-ip, aamma pinngortitamut avatangiisunullu tigumminnittunngortup, saniatigut Naalakkersuisut sinneri tassaalerput:

Kim Kielsen, Siumut, Naalakkersuisuni siulittaasoq

Sara Olsvig, Inuit Ataqatigiit, Isumaginninnermut, Ilaqutariinnut, Naligiissitaanermut Inatsisinillu atuutsitsinermut Naalakkersuisoq.

Hans Enoksen, Partii Naleraq, Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoq.

Aqqaluaq B. Egede, Inuit Ataqatigiit, Aningaasaqarnermut Akileraartarnermullu Naalakkersuisoq.

Agathe Fontain, Inuit Ataqatigiit, Peqqissutsimut Nunat Avannarliit Suleqatigiinneranullu Naalakkersuisoq.

Doris Jakobsen, Siumut, Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoq.

Suka K. Frederiksen, Siumut, Namminiilivinnermut, Nunanut allanut Nunalerinermullu Naalakkersuisoq.

Múte B. Egede, Inuit Ataqatigiit Aatsitassanut ikummatissanullu Naalakkersuisoq.

Erik Jensen, Siumut, Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoq.

Karl-Kristian Kruse, Siumut Aalisarnermut Piniarnermullu Naalakkersuisoq.

Inatsisartut ataatsimiittarfiannit assilisat takukkit.

Naalakkersuisoqarfinni taarsiinernit assilisat takukikkit.