Inunnik Innarluutilinnik Sullissivissaq nappaanersiorneqartoq

Naalakkersuisut Inunnik innarluutilinnik sullissinitsinni suliniutit arlallit ingerlappavut. Ataatsimut isigalugu inuiaqatigiittut inunnik innarluutilinnik naligiisitsinerunissaq anguniagarissavarput. Ilisimasatigut inatsisitigullu aaqqiinissaq pisariaqarput tamannalu suliaralugu aallartereerparput. Inunnik innarluutilinnik sullissivissaq ilisimasanik katersaateqarfiussaaq pisariaqartinneqaqisoq Naalakkersuisunilu ukiamut ammarnissaa assut qilanaaraarput.

Tallimanngornermi sullissivissap illutassaa nappaanersiussavarput. Pingaartippara Sisimiuni innuttaasut tikillugit nuna tamakkerlugu inunnik innarluutilinnik sullissivissaq illoqarfimmi massakkut sanaartorneqartoq pillugu paasissutissiiartussaallunga.

Inunnik innarluutilinnik sullissivissap atissaanik siunneqartitsinissamik unammititsissaagut piffissami aggersumi neriuppugullu nuna tamakkerlugu innuttaasut atissaanik tulluartumik siunnersuuteqarlutik peqataalluarumaartut.

Sisimiuni innuttaasunik Amerlumi unnugu nal. 17 - 19 ataatsimiititsisoqassaaq.

Inussiarnersumik inuulluaqqusillunga

Sara Olsvig,
Isumaginninnermut, Ilaqutariinnut, Naligiissitaanermut Inatsisinillu Atortitsinermut Naalakkersuisoq

 

Paasisaqarnerorusuttut attavigisinnaavaat Naalakkersuisumut allatsi Nina Jul Larsen, oqarasuaat 539371 imaluunniit e-mail nina@nanoq.gl.