Avaleraasartoortassat agguarneri

Naalakkersuisut  apriilip pingajuanni aalajangerpaat ukioq manna avaleraasartoortassat 66.365 tonsiussasut.

Ukioq manna avaleraarsartoortassiinermi anguniagaavoq pisassiissutit ikinnerit nunat allamiut aalisariutaataannit aalisarneqarnissaat.

Pisassiissutit marlunnut avitaapput.

Pisassiissutini siullerni pisassiissutaasut amerlanersaat  aalisariutinik nunatsinneersunit aalisarneqassapput, 46.365 tonsit pisassiissutaallutik. Kalaallit aalisariutaataannut piumasaqaatinik naammassinnittunut assigiissumik avillugit agguaanneqassallutik.

Agguaanneqartut ikinnerpaamik 75 procentii kalaallit aalisariutaataannit aalisarneqassapput sinneruttullu 25 procentit aalisariutinik attartukkanik, erfalasutsinnik erfalasulikkanik aalisarneqassallutik.

Immikkoortut aappaanni pisassiissutinit 20.000 tonsit ingerlatseqatigiiffinnut namminneerlutik aalisariuteqanngitsunut agguaanneqassapput.  Ingerlatseqatigiiffiit piumasaqaatinik arlalinnik naammassinnissimassapput. Aalisarnermit imaluunniit aalisakkanik tunisassiornermik allanik ilaatigut suliaqareersimassallutik.   Pisassiissutit assigiissumik avillugit ingerlatseqatigiiffinnut agguaanneqassapput. 

- Nunatta imartaani aalisakkanik ikerinnarsiortunik aalisarnerup ineriartortinneqarneranut pingaaruteqartorujussuuvoq aalisariutit nunatsinneersut aalisakkanik ikerinnarsiortunik tamakkiisumik aalisaleriartuaartinneqarnissaat, Aalisarnermut Piniarnermullu Naalakkersuisoq, Hans Enoksen, oqarpoq.

Nunarput avaleraasartoorniarnermut nunatut sinerialittut 2016-imi ukiakkut ilaalerpoq. Nunarpulli avaleraasartuut pillugit isumaqatigiissummut maannamut suli ilanngunneqanngilaq.

Paasissutit amerlanerusut qinnuteqarfissarlu ugguuna aasinnaavat.

Attavigineqarsinnaavoq Kunuk Holm, Aalisarnermut Piniarnermullu Naalakkersuisoqarfimmi immikkoortortami pisortaagallartoq. Email: kunh@nanoq.gl