Nipisat 1.300 tonsit ukioq manna aalisarneqassapput

Nipisat 1.300 tonsit ukioq manna aalisarneqassapput

Naalakkersuisut apriilip pingajuanni 2017-imi aalajangerpaat nipisat ukioq manna aalisarneqartussat 1.300 tonsiussasut.

Naalakkersuisut aamma aalajangerpaat ullut nipisanniarfiusussat aammma sumiiffinni ataasiakkaani nipisattassat.

Sumiiffiit nipisanniarfigineqarsinnaasut arfineq pingasunut avinneqarsimapput. NAFO-p immap assingani ilisarnaasersugaani:
Aalisarfimmi 1A-mi, 111 tonsiupput.
Aalisarfimmi 1Ba-mi, 133 tonsit.
Aalisarfimmi 1Bb-mi, 77 tonsit.
Aalisarfimmi 1C-mi, 309 tonsit.
Aalisarfimmi D-mi, 405 tonsit.
Aalisarfimmi 1E, 161 tonsit.
Aalisarfimmi 1F-mi, 103 tonsit.

Sumiiffinni aalisarfigineqartuni ullut aalisarfigineqartussat sivisunerpaamik 44-ussapput.

Najukkani aalisakkerivinni aqutsisut aalisartullu sinniisuat aalisarnerup qanoq ilinerani aallartinneqassanersoq Aalisarnermut Piniarnermullu Naalakkersuisoqarfimmut inassuteqartussaapput. Aalisakkerivimmi aqutsisut kingulliullutik aalajangiissapput.

Aalisarnermut Piniarnermullu Naalakkersuisoqarfiup nipisanniarnissat illoqarfinnut nunaqarfinnulluunniit aalajangersimasunut aalisarnerup ammarneqarnissaa matuneqarnissaallu tusagassiutitigut ilisimatitsissutigissavaa.

Attavigineqarsinnavoq: Aalisarnermut Piniarnermullu Naalakkersuisoqarfimmi AC-fuldmægtig John Biilmann. Email: johb@nanoq.gl