Pinngortitap illersorneqarnissaa pillugu inatsimmi suleriaatsip allanngortinneqarnera

Pinngortitap illersorneqarnissaa pillugu (nunalerinermut suliniutit) inatsimmi suleriaatsip allanngortinneqarnera

Maannamut pinngortitaq pillugu illersorneqarnissaanut inatsimmi § 25 aamma 26-mi suleriaaseq naapertorlugu, Namminiilivinnermut, Pinngortitamut, Avatangiisinut Nunalerinermullu Naalakkersuisoqarfiup tusarniaanermut akissuteqaammini, kommunalbestyrelsi ilisimatippaa, savaatilinnut imeqarfeeraliornissamut nunaminertamik qinnuteqaataa (imeqarfimmiit 100 meter-isut iluanni pilersitsinissaq – pinngortitap illersorneqarnissaa pillugu inatsit naapertorlugu (kooqarfiit tarajullit, kooqarfiit – eqaloqarfiusut, uunartoqarfiit kiisalu sineriammut atasuni imeqarfinni inerteqqutaammat. Tamanna toqqammaveqarpoq, Namminiilivinnermut Pinngortitamut, Avatangiisinut Nunalerinermullu Naalakkersuisoqarfiup siornatigut nalilereersimammagu, savaatilinnut imeqarfeeqqamik pilersitsinissaq nunalerinermut tunngasunik suliaanngimmat, tamanna avatangiisit illersorniarlugit inatsimmi § 25 aamma 26-mi, takuuk § 27 immikkoortoq 1, tassani ungasissusiliinermut piumasaqaatini ilaatinneqarsimanngimmat.

Tamannali ”nunalerinermut tunngasut-ni” allanngortinneqassaaq, matumani imermik pilersuinissamik, assersuutigalugu imeqarfeeraliornissamut, erngup nukinga atorlugu nukissiuuteqarnermut kiisalu seqernup qinnguai atorlugit nukissiuutiliornermut sanaartornissamut pilersitsineq, nunalerinermut inatsisip oqaasertaani ”nunalerineq” nassuiaatigineqarnerani naapertuuttutut nalilerneqarmat. Oqaaseq ”nunalerineq” nunalerinermut inatsisip oqaasertaani piareersarneqarneranilu ilaatinneqarpoq, aammattaaq suulluunniit nunamut atareersut illukut imaluunniit ineqarfikuusimasut kiisalu nunalerinermut tunngasunik siunertalimmik illuutit pillugit inatsit naapertorlugu ilaatinneqarmata.

Suleriaaseq ima allanngortinneqassaaq, pinngortitap illersorneqarnissaa pillugu inatsimmi aaliangersakkani, ungasissusiliisarnerup 100 meter-isut minnerpaaffilerneqarnissaa, tatsinut taratsumik akulinni, kooqarfinni eqaloqarfiusuni, uunartoqarfinni kiisalu sineriammut atasuni imeqarfinni minnerpaaffissaliinissaq, erngup nukinga atorlugu nunalerinermut inuussutissarsiuteqarnermut innaallagissamik pilersuisinnaanissaq anguniarlugu, assersuutigalugu imeqarfeeraliornissamut, anori atorlugu nukissiuuteqarfiliornissamut kiisalu seqernup qinngorneri atorlugu nukissiuuteqarfiliornissamut nunaminertamik tunisinissap ajornaquteqanngitsumik nalunaarutigineqarnissaa ajoqutissartaqanngitsoq.

Suleriaatsimik allannguineq matumani saqqummiunneqarnerani kiisalu Namminiilivinnermut, Pinngortitamut, Avatangiisinut Nunalerinermullu Naalakkersuisoqarfiup nittartagaatigut saqqummiussineratigut atuutilerneqasaaq. Suliap tusarniaassutigineqarneranut tunngassuteqartut Namminiilivinnermut, Pinngortitamut, Avatangiisinut Nunalerinermullu Naalakkersuisoqarfiup ingerlateqqissanngilaa, kisiannili kommunalbestyrelsip, nunalerinikkut inuussutissarsiutinut tunngatillugu innaallagissamik pilersuilersinnaanissaq anguniarlugu sanaartornissamut nunaminertamik qinnuteqarnissaminut atatillugu ingerlateqqissinnaallugu, assersuutigalugu erngup nukinga atorlugu imeqarfeeraliornissamut, anorip nukinga atorlugu nukissiuutilernissamut aammalu seqernup qinngorneri atorlugu nukissiuutiliornissamut qaqeqqinneqarsinnaalluni, matumani nunaminertamik qinnuteqaammi, pinngortitap illersorneqarnissaa pillugu inatsimmi § 25 aamma 26-mi innersuussutigineqartumik itigartitsissutigineqarsimappat. Tusarniaanermut tunngatillugu suliat naammassineqanngitsut, maleruaqqusat nutaat malillugit naammassineqassapput.

Annerusumik paasisaqarusunnermi saaffigineqarsinnaavoq Pinngortitamut, Silap pissusianut Nunalerinermullu immikkoortortaqarfimmi aqutsisoq Camilla Østbirk, oqarasuaat: 346019, e-mail: caos@nanoq.gl