Kalaallit Nunaata eqqaani immani mingutsitsinissamut akiuiniarneq pillugu isumaqatigiissut

 

Namminiilivinnermut, Pinngortitamut, Avatangiisinut Nunalerinermullu Naalakkersuisoq Suka K. Frederiksen aamma Illersornissamut Ministeri Claus Hjort Frederiksen Kalaallit Nunaata eqqaani imartani mingutsitsinissamut akuiniarnissaq pillugu tunngaviusumik isumaqatigiissuteqarput.

”Imaq inuuniutigaarput aammalu Naalakkersuisuni sulinitsinni immami avatangiisit – ullut ilaanni annertuumik mingutsitsisoqassappat paarilluarnissaat pingaarutilinnut ilaapput. Taamaattumik Kalaallit Nunaat Danmarkilu immami avatangiisini mingutsitsinissamut akiuiniarnissaq pillugu suleqatigiinnissatsinnut tunngaviusumik isumaqatigiissuteqarnerput nuannaarutigaara”, Namminiilivinnermut, Pinngortitamut, Avatangiisinut Nunalerinermullu Naalakkersuisoq Suka K. Frederiksen oqarpoq.

Kalaallit Nunaata Danmarkillu tunngaviusumik isumaqatigiissuteqarneranni Kalaallit Nunaata imartaani uuliamik akuutissanillu mingutsitsinissamut akiuiniarnissaq pillugu isumaqatigiissutitoqaq naqissuserneqarpoq. Tunngaviusumik isumaqatigiissuteqarnermi Kalaallit Nunaata Danmarkilu mingutsitsinerni annertuuni akiuiniarnermut ikiuuteqqullugu qinnuigisinnaavaa, aammalu Danmarkip tamatumunnga aningaasartuutit akilertussaagai naqissuserneqarpoq.

Danskit illersornissamut Ministeriat Claus Hjort Frederiksen 24. marts 2017-imi Nuummut tikeraarpoq, tassanilu tunngaviusumik isumaqatigiissut atsiorneqarpoq.

Isumaqatigiissut atuarneqarsinnaavoq uani.

Annertunerusumik paasisaqarusunnermi naalakkersuisup allattaa Naasunnguaq Olsen (tlf. 34 54 14, e-mail nasu@nanoq.gl) imaluunniit immikkoortortaqarfimmi pisortaq Karen Anne Arleth (tlf. 55 15 85, e-mail knar@nanoq.gl) attaveqarfigineqarsinnaapput.