Suliaq ingerlallualeruttorparput

Tusagassiorfiit soqutigisaqaqatigiiffiillu assigiinngitsut ASN-imut suliassanut missingiusiaagallartumut, 2. december 2015-imi Greenland Minerals and Energy Limited-imiit (GME) Namminersorlutik Oqartussanut tunniunneqartumut allagaatinik takunnissinnaanermik qinnuteqarsimapput.

Soqutigisaqaqatigiiffiit arfineq marluk suliassanut missingiut aallarniutaasoq siulleq tunngavigalugu sulianut naliliinerminnik tamanut ammasumik saqqummiussisimalerput.

GME-p suliaanut atatillugu Aatsitassarsiornermi Avatangiisinut Aqutsisoqarfik 2015-imi decembarimili suliassanut missingiutaagallartup pitsaassusianik aallarniutaasumik nalilersuivoq. Tassani suli allannguutit ilassutillu suliarineqarput, taamaattumillu suliassanut missingiut aamma ingerlatseqatigiiffiup ingerlaavartumik oqaloqatigineqarneratigut ineriartortinneqarpoq. Maannarpiaq suliat aallarniutaasut qaqugu naammassineqarsinnaanersut oqaatigineqarsinnaanngilaq.

Kisiannili Aatsitassarsiornermi Avatangiisinut Aqutsisoqarfimmit erseqqissaatigineqassaaq, aammattaaq tamanut ammasumik tusarniaasarnerit suliami pingaarutilerujussuartut isigigatsigit, kisiannili suliassanut missingiutip aallarniutaasumik naliliiffigineqarnissaa suli naammassineqanngimmat.

Aatsitassaqarnermi Avatangiisinut Aqutsisoqarfik piumasaqarpoq, Kalaallit Nunaanni ingerlatseqatigiiffiit aatsitassarsiornerni avatangiisinut suleriaatsit nunani tamalaani atuutsinneqartut pitsaanerpaat malissagaat. Taamaattumik suliani tamani suliat avatangiisinut sunniutissaat pillugit naliliisoqartussaavoq (ASN). Suliaq peqqissaarussassaavoq annertullunilu – aammalu suliat annertusiartortillugit nalinginnaasumik piffissaq atorneqartoq sivisunerusarpoq.

Maannamut ASN-imut sulianut missingiut siullermeerluni ingerlatseqatigiiffimmit nassiunneqarpat, piffissaq nalilersuiffiusoq aallartittarpoq. Immikkoortumi tassani ilisimatusarnikkut siunnersortit sulianut attuumassuteqanngitsut ilaatittarpagut, taakkulu siullertut najoqqutassat nassiunneqartut misissortarpaat – allagaatit tamanut ammasumik tusarniaassutigineqartut pitsaassusaat naammannersut aammalu suliamut naammattumik matussusiinersut qulakkeerniarlugu.

Pitsaassutsimik naliliinerit aallarniutaasut naammassigaangata tamanut ammasumik tusarniaanerit, innuttaasunik ataatsimiititsinertallit aallartinneqartarput – tassanilu ASN-imut najoqqutassat tamarmik tamanit takuneqarsinnaasarput.

Annertunerusumik paasisaqarusunnermi saaffigineqarsinnaavoq Najaaraq Demant-Poort Toqq/direkte 34 68 38 nasd@nanoq.gl