Kalaallit Airports A/S-imi siulersuisuni siulittaasoq nutaaq

Immikkut ittumik 03.03.2017-imi ataatsimeersuarnermi Johannus Egholm Hansen Kalaallit Airports A/S-imi siulersuisunut siulittaasussatut toqqarneqarpoq. 

Johannus Egholm Hansen siulittaasuugallartoq Aviâja Lyberth Lennert taarserpaa taannalu siulersuisuni siulittaasup tullinngorluni.

Timmisartoqarfinni, ingeniøritut sulinermi, periusissianik suliniutinillu ineriartortitsinermik ukiuni 25-inik amerlanerni misilittagaqareerluni Johannus Egholm Hansen siulersuisut sulineranni piginnaaneqarluarluni sunniuteqarluarlunilu ilaalissaaq.

Johannus Egholm Hansen piffissami 2008-mit 2010-imut Savalimmiuni Vágar Airport-imi siulittaasup tulleraa, mittarfimmik alliliinermi annerusumi terminalimillu nutaamik sanaartornermi siuttuulluni, tamatumalu kingunerisimavaa maanna Vágar-imi ilaasut ukiumut 250.000-it missaanniilersimanerat. Misilittakkat taakku tunuliaqutaralugit Kalaallit Airports A/S-imi siunissamilu mittarfinnik Ilulissani, Qaqortumi Nuummilu talliliiniarnermik suliat malunnaatilimmik patajaallisarneqassapput. 

Suliniummik taassuminnga piviusunngortitsiniarneq suliassaavoq annertooq ilungersuuttariagaq.  Taamaammat Naalakkersuisut Johannus Egholm Hansen aamma Kalaallit Airports A/S suliniummik sulilluarnissaannut kissaatissallugit pissutissaqarluarput.

 

Annertunerusunik attaveqarfissaq:
Lars Balslev, immikkoortortaqarfiup pisortaa, Ingerlatseqatigiiffinnut Allattoqarfik, oqarasuaat 34 51 27