Paasissutissiissutitut naqitaq "Inigisat" inoqutigiinnut agguaanneqarpoq

Inissiap maannakkut najugarisap pisiarinissaanut, piginneqatigiilluni inissiamik pisinissamut, inissiamik nammineq pigisamik pisinissamut imaluunniit illumik pisinissamut periarfissat pillugit paasissutissiissutitut naqitamik Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfik suliaqarpoq.

Aningaasalersuinissamut periarfissat, iluarsaassinissamut, allilerinissamut imaluunniit nammineq inigisamik pitsanngorsaanissamut, inissiap attartortittakkap piginneqatigiilluni inissiaatillit peqatigiiffiannut imaluunniit piginnittut peqatigiiffiannut allanngortinnissaanut  periarfissat, imaluunniit qanoq iliorluni piginneqatigiilluni inissiaatillit peqatigiiffiannik pilersitseqataasinnaaneq il.il. pillugit paasissutissat  paasissutissiissutitut naqitami atuarneqarsinnaapput.

Paasissutissiissutitut naqitaq uani aajuk.

 

Attaveqarfissaq Ane Marie Sakariasen, Siunnersortaaneq, Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfik, amsa@nanoq.gl