Tuttunniarnermut umimmanniarnermullu akuersissutit pillugit maleruagassat

Tuttunniarnermut umimmanniarnermullu akuersissutit piniartunut tunniunneqartartut pillugit maleruagassat inatsimmi tunngaveqartut matumuuna APN-imiit erseqqissaatigineqassapput.

Tuttut nujuartat illersugaanerat piniagaanerallu pillugit Namminersorlutik Oqartussat nulaarutaat atuuttoq 27. juuni 2013-imeersoq malillugu maleruagassat imaapput. 

§ 6.  Inuit § 8 malillugu akuersissummik, kiisalu piniarnermut allagartamik atuuttu-mik peqartut kisimik tuttunniaqqusaapput.
Imm. 2.  Akuersissut inummut atiatigut taasamut taamaallaat atuuppoq allanullu tunniunneqaraniluunniit tunineqarsinnaanani.
Imm. 3.  Akuersissummi allassimavoq sumi qassinillu tuttunniartoqarsinnaaner-soq.

§ 19.  Pisanik nalunaaruteqarneq imaluunniit pisanik nalunaarsuutinik kommunimut tunniussineq piniarnerup naammassineqarnerata kingornatigut kingusinner-paamik sapaatip akunnerisa marluk qaangiunneranni pissaaq.
Imm. 2.  Tuttu angallammut pisarisanut angallataasussamut ikineqarpat, akuersissutip tunuatigut kalerriummut immersugassaq kingusinnerpaamik immersorsimassaaq.

Umimmanniarnermut akuersissutit pillugit maleruagassat atuuttut assingupput. 

Nalunaarutini aalajangersakkanik unioqqutitsineq akiliisitsinermik pineqaatissiissutaasinnaavoq aamma sunngiffimmi aallaaniarsinnaanermut allagartat imaluunniit inuussutissarsiutigalugu piniarnermut allagartat piffissami killilikkami arsaarinnissutaasinnaallutik. Piffissaq killiligaq sivisunerpaamik ukiunik tallimanik sivisussuseqarsinnaavoq.

Tuttut umimmaallu nalunaarummi malittarisassanut akerliusumik pisarineqartut Kalaallit Nunaanni pinerluttulerinermi inatsisini malittarisassatigut aalajangersakkat malillugit arsaarinnissutigineqarsinnaapput. 

Paasissutissat sukumiinerusut pillugit Immikkoortortami pisortaq Amalie Jessen attavigiuk Oqarasuaat; 34 53 04, E-mail: amalie@nanoq.gl