Peqqissutsimut Naalakkersuisoqarfimmi Naalakkersuisoqarfiup pisortartaava

Naalakkersuisut ullumi aalajangerput Ilisimatusarfimmi rektori Tine Pars Peqqissutsimut Naalakkersuisoqarfimmi Naalakkersuisoqarfiup pisortaatut atorfimmut neqeroorfigineqassasoq. Tine Pars Peqqissutsimut Naalakkersuisoqarfimmi Naalaakkersuisoqarfiup pisortaatut 1. april 2017 atorfinissaaq.

 

Tine Pars Ilisimatusarfimmi rektoritut ukiorpassuarni atorfini aqqutigalugu pisortatut sulinermik misilittagaqarpoq, suliassaanullu tunngatillugu ilinniarluarsimasuulluni ilaatigut Ph.D.-itut ilinniakkani aqqutigalugu Kalaallit Nunaanni peqqinnissap inooriaatsillu imminnut attuumassutaat ilisimatusaatigisimallugu.

 

Peqqissutsimut Naalakkersuisoq Agathe Fontain oqarpoq:

”Tine Pars ukiorpassuarni pisortatut sulinermik misilittagaqarpoq Peqqissutsimut Naalakkersuisoqarfiup suliarisartagai pingaarnerit ilisimalluarlugit. Pineqartup suleqatigilluarnissaa qilanaarisorujussuuvara."

 

Peqqissutsimut Naalakkersuisoqarfimmi Naalakkersuisoqarfiup Pisortaatut atorfimmut qinnuteqartut arfineq pingasuupput.

 

Paasissutissanik allanik perusuttut Naalakkersuisoqarfimmi pisortaq Søren Hald Møller attavigisinnaavaat oqarasuaat: 34 50 00