Sumiiffinni innuttaasut ilisimasaannik atuineq nuna tamakkerlugu angusanut pitsannguutaassapput

Puullaaqinerit piffissami kingullerpaami kisimi pilersinneqanngitsut, piffissamili sivitsortumi Qeqertarsuarmi innuttaasut nunatsinni innuttaaqatiminnit puigorneqartutut missukutarineqartutullu misigisut, ataatsimiinnermi Qeqertarsuup katersortarfiani januarip arfineq aappaani unnukkut arfineq marluniit qulit tungaanut ingerlanneqartumi, innuttaasut misigisamninnik ilisimasaminnillu qaffakaasitsipput.

Qeqertarsuarmi innuttaasunik ataatsimiisitsinermi 80-100 missaanik peqataaffigineqartumi Qeqertarsuarmi angallannermut paasissutisssarpassuit anngussuunneqarput. ”Paasissutissarpassuit pissarsiarisavut aaqqissuutissapput Nalakkersuisullu ataatsimiinnissaani ilisimatitsissutit ilanngunneqassasut.” Attaveqaqatigiinnermut Nalakkersuisoq Múte B. Egede oqarpoq.       

Innuttaasut suleqatigiittut allakkiarisimasatik saqqummiuppaat, tikilluaqqusisoqarpoq aaqqissutaasinnaasunillu ilaatigut Qeqertarsuarmi mittarfiuliornissamik ilaqartumik akissutitut saqqummiussivigineqarlutik.

Mallersumi angallanneq

Qeqertarsuaq Ilulissaniik, qitiusumik angallannermi qitiusutut inissisimasumiik 100 km missaanik  ungasitsigisumi inissisimavoq. Imaatigut angallannermi Qeqertarsuarmiit aallarnermi malerujussuit ajornartorsiutaasarput, Disko inissisimavoq Davisip Ikerasassuani, taamaattumillu Qeqertarsuarmiit Qeqertarsuarmulluunniit Targat 44 fodsimit/14 meterimiit anginerunngitsumiit atorlugit angalanermi angalasut toqqissisimanngilersarput. Qeqertarsuarmiuniit kissaatigineqarpoq Sarfaq Ittuk 73 meteriusoq avannamut kujamullu angalanerni atorneqartalissasoq.  Taamaalilluni ilaasartaammut ikilernermi aamma toqqissisimananngitsutut avoqqaarliutigineqartoq aqqinneqassagaluarmat. Maanna allannguisinnaanissap angalasunut allanut kingunerisinnaasai aningaasatigullu kingunerisinnaasai misissorneqaleruttorput. 

Angallannermi periusissat

Ataatsimiigiartut akornanniit saaaqummiunneqarpoq ungasinnerusoq eqqqarsaatigalugu angallannermi periusissamik pisariaqartitsineq, periusissaq naaalakkersuinikkut inissisimanermut attuumassuteqanngitsoq. Múte B Egede tassunga oqarpoq siunisami sullissinissamut isumaqatigiissutissanik piareersaanissanut innuttaasunut tusarniaasarnissaq ilannguttariaqartoq.

Sukumiinerusumik paasisaqarusuttut Naalakpkersuisup allattaa Jane P. Lantz attavigisinnaavaat oqarasuaatikkut +299  59 79 09 imaluunniit e-mailikkut: japl@nanoq.gl