Sara Olsvig-ip Qaasuitsumi isumaginninnermut tunngasut malinnaaffigeqqissaarpai

Isumaginninnermut, Ilaqutariinnermut, Naligiissitaanermut Inatsisinillu Atuutsitsinermut Naalakkersuisoq ulluni makkunani Qaasuitsup Kommuniani angalavoq.

Naalakkersuisut Naalaakkersuisooqatigiinnissamik isumaqatigiissutaanni isumaginninnermut tunngasut pitsanngorsaaffigineqarnissaasa sammineqarnissaat ilaatinneqarpoq, tassunga ilanngullugit meeqqanut inuusuttunullu kiisalu inunnut innarluutilinnut  tunngasut aammalu kommunit suliassanik isumaginnittarnerisa pitsanngorsaaffigisariaqarnissaanut suliniuteqarnissaq.

Tassunga tunngatillugu Sara Olsvig oqarpoq, "Naalakkersuisut suliniutaanut suliaanullu tunngatillugu sulianik isumaginnittartunit, ulloq unnuarlu paaqqinnittarfinnit ilaqutariillu ornittagaanit  immersorneqarnissaq pingaartittorujussuuara. Isumaginninnermik sulialin-nik innuttaasunillu isumaginninnermut tunngasunik suliaqartartunik taamaasillutillu pingaarutilerujussuarnik ilisimasaqartunik oqaloqateqartarnissaq politikeritut sulinitsinni pitsanngorsaaniarluta suliatsinnut ilannguttariaqartakkatsinnik oqaloqateqartarnissaq pingaarutilerujussuuvoq"

Sara Olsvig-ip tikeraassavai:

Ilulissat

Upernavik

Uummannaq

Qeqertarsuaq

Qasigiannguit

Angalanermut atatillugu innuttaasunik ataatsimiititsisoqartassaaq, paaqqinnittarfiit, isumaginninnermut allaffiit ilaqutariillu ornittagaat il.il. pulaarneqartassapput.

Annertunerusumik paasisaqarusukkuit  Naalakkersuisup allattaa: Nina Jul Larsen, 53 93 71 attavigineqarsinnaavoq.