GUX – Autistinut periarfissanik nutaanik suliaqarneq aallartippoq

Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisup, Doris Jakobsenip, kissaatigaa ilinniagaqartut immikkut pisariaqartitsisut ilinniarnertuunngorniarnissamut annertunerusunik periarfissaqassasut.

Taamaammat Angajoqqaaqatigiit qanimut oqaloqatigalugit GUX-ini misiliilluni aaqqissuussinerup aallartinneqarnissaa maannakkut suliarineqarpoq, tassani ilinniartut autismeqartut siusinnerusumut sanilliullugu immikkut ilinniarnissamik neqeroorfigineqartassallutik.

"Inuusuttut taakku ilinniarnertuunngorniarnissamik pitsaanerusunik periarfissaqarnissaannik suliniuteqarnerput nuannaarutigaara”, ilinniartitaanermut Naalakkersuisoq Doris Jakobsen oqarpoq. Misiliilluni aaqqisuussineq aamma Angajoqqaaqatigiinnit – angajoqqaat autismeqartunik adhd-qartunillu meerallit inuusuttortallillu peqatigiiffiannit – tigulluarneqarpoq.

"Angajoqqaajusugut killitsisimaqaagut, tassani maannakkut ukiuni arlalinngortuni meerartagut inuusuttortagullu pillugit suliniuteqarnermut iluatsittutut isikkoqarmat. Meeqqagut Danmarkimut aallartittariaaruppagut. Maannakkut nunatsinni ungasinngitsukkut nasartaarsinnaalissapput”, Angajoqaaqatigiinni angajoqqaat oqaluttuarput.Anguniagaavoq ilinniartunik taakkuninnga atuartitsineq ukiumi atuarfiusumi 2018/19-imi aallartissinnaassasoq, eqqarsaataavorlu misiliineq 2021 ilanngullugu ingerlassasoq.

Misiliilluni aaqqissuussinermi suliaqarneq pillugu annertunerusumik paasisaqarniaraanni iIinniartitaanermut inspektøri, Lotte Kjær, una atorlugu attaveqarfigineqarsinnaavoq lokj@nanoq.gl