Julie Nuummilu atuartut Qujanaq pillugu tusarnaartitsilersut

Julie aamma Nuummi atuartut Qujanaq pillugu tusarnaartitsinerannut tusarnaariarit

 

Qujanaq pillugu tusarnaartitsinermut aggerit aammalu Julie Berthelsen Ukaliusap atuarfiani 6. klassip peqatigalugit tusarnaartitsisoq tusarnaariarlugu.

Tusarnaartitsineq pissaaq sisamanngorneq ulloq 2. februar Nuummi Nuuk Centerip inersuaani. Tusarnaartitsineq aallartissaaq nal. 16.00. Kikkut tamarmik tikilluaqqusaapput aammalu iserneq akeqanngilaq.

Erinarsuummut Qujanaq-mut taallanik nutaanik allalluni unammisitsinissaq Namminersorlutik Oqartussat ukiarmi nalunaarutigaat. Kalaallit Nunaata paarilluarnissaa pingaaruteqartoq taallani imaritinneqassaaq. Siunnersuutit 100-it sinnerlugit tiguneqarput, aammalu taallat ajugaasut maannakkut erinarsuummi Qujanaq-mi ilisimaneqarlualersumi ilanngunneqarput.  Taamaattumik unnuk allaanerusoq aammalu nipilersorfiulluni nuannersoq peqataaffigiartoruk. Aggialluarisi!

Aaqqissuussineq Namminiilivinnermut, Pinngortitamut, Avatangiisinut Nunalerinermullu Naalakkersuisoqarfimmit ingerlanneqarpoq.

 

Annertunerusumik paasisaqarusunnermi takusarneqarsinnaavoq Qujanaq facebook-imi quppernera imaluunniit attaveqarfigalugu Naalakkersuisup allattaa Naasunnguaq Olsen, oqarasuaat: 52 36 84 imaluunniit e-mail-ikkut: nasu@nanoq.gl