Naalakkersuisut katitigaanerat allannguuteqartoq

 

Naalakkersuisut Siulittaasuata Kim Kielsenip Naalakkersuisoq Martha Lund Olsen isumaqatigiissuteqarfigalugu Inatsisartut Siulittaasoqarfiat ilisimatippaa Martha Lund Olsen Naalakkersuisutut atuukkunnaarsinneqartoq.

Naalakkersuisut Siulittaasuat Kim Kielsen oqarpoq:

”Martha Lund Olsenip kissaatigaa kommunemut apriilimi qineqqusaarniarluni. Isumaqatigiissutigaarput Naalakkersuisunut ilaasortaajutigaluni qineqqusaartoqarsinnaanngitsoq.

Allaffissornikkut aaqqissuussaaneq allannguuteqassanngilaq. Martha Lund Olsenip oqartussaaffigisimasai Inatsisartut apriilimi katersuunnissaasa tungaannut Aatsitassanut Ikummatissanullu Naalakkersuisumit Múte Bourup Egede-mit isumagineqassapput.”

Tusagassiortunik katersortitsinermi assit

Tusagassiortunik katersortitsinermit immiussaq

 

Paasisaqarnerorusuttut attavigisinnaavaat Naalakkersuisunut allatsi Karen Motzfeldt oqarasuaat +299 56 24 50 imaluunniit e-mail karm@nanoq.gl.